Kryetari i Komunës së Graçanicës, Novak Zhiviq, e vizitoi Panairin e Tretë Ndërkomunal të Ekonomisë, Turizmit, Kulturës dhe Traditës, i cili mbahet përpara objektit të Komunës së Graçanicës.
Zhiviq u prit tradicionalisht me kripë dhe bukë kosovare, të cilën e theu sipas zakonit. Më pas ai i vizitoi stendat e më shumë se 60 ekspozuesve dhe bisedoi me prodhuesit, sipërmarrësit, përfaqësuesit e shoqatave dhe pjesëmarrësit e panairit, të cilët i prezantuan produktet vendase, artizanate, zanatet e vjetra, specialitetet tradicionale dhe produktet e tjera të krijuara nga puna dhe aftësia e biznesmenëve vendasë. Si pjesë e programit të ekspozitës, komunat e Kumanovës, Novobërdës, Ranillugut, Leposaviqit, Parteshit dhe Graçanicës i prezantuan ofertën e tyre.
Duke folur për rëndësinë e manifestimit, kryetari i Komunës së Graçanicës theksoi se panairi është një vend takimi i ekonomisë, kulturës, turizmit dhe traditës.
“Sot, Graçanica është një vend takimi i ekonomisë, kulturës, turizmit dhe traditës. Këtu mund ta shohim të gjithë bukurinë që populli ynë e ruan dhe e kultivon në këtë hapësirë. Dua t’i falënderoj të gjithë ekspozuesit, pjesëmarrësit dhe mysafirët që, me punën dhe përpjekjet e tyre, por edhe duke ardhur, e madhëruan këtë ngjarje, veçanërisht në festën e madhe të sotme. Komuna e Graçanicës do të vazhdojë t’i mbështesë ngjarjet e tilla edhe në të ardhmen”, tha Zhiviq.
Ai theksoi veçanërisht rëndësinë e ruajtjes së traditës, produkteve vendase dhe trashëgimisë kulturore, si dhe nevojën për t’i mbështetur njerëzit që, përmes punës së tyre, kontribuojnë në zhvillimin e ekonomisë lokale dhe ofertës turistike.
Në fund, kryetari i Komunës së Graçanicës u dërgoi një mesazh-urimi besimtarëve ortodoksë me rastin e festës së Ngjitjes së Virgjëreshës së Bekuar.
“U uroj të gjithë besimtarëve ortodoksë festën e madhe – Ngjitjen e Virgjëreshës së Bekuar, me dëshirën që ta kalojnë atë në shëndet, paqe dhe mirëqenie”, tha Zhiviq.
Vizitorët e panairit patën mundësinë t’i shihnin dhe shijonin produktet vendase, specialitetet tradicionale, mjaltin dhe produktet e mjaltit në stenda të shumta, si dhe të mësonin rreth zanateve të vjetra, punimeve artizanale dhe produkteve të prodhuesve vendas. Një pjesë e veçantë e panairit i kushtohet prezantimit të kulturës dhe traditës, përmes “Prelo dhe Poselo”, ndërsa i gjithë programi plotësohet nga shfaqjet e shoqërive kulturore dhe artistike.
Panairi i tretë Ndërkomunal i Ekonomisë, Turizmit, Kulturës dhe Traditës organizohet nga Komuna e Graçanicës, me mbështetjen dhe pjesëmarrjen e komunave dhe organizatave partnere, me qëllim të promovimit të ekonomisë vendase, turizmit, kulturës dhe ruajtjen e traditës.
