Daniloviq iu bën thirrje qytetarëve që të mos e përdorin ujin për ujitjen e kopshteve, barit, asfaltit dhe për larjen e makinave, por vetëm për nevoja personale, ku në këtë mënyrë do të tregohet solidariteti ndërsjellë, sepse për shkak të ngarkesës së madhe në rrjetin e ujësjellësit disa fshatra në territorin e komunës kanë mbetur pa ujë më shumë se 10 orë.
„Me konsumin e reduktuar do të zvogëlohet ngarkesa dhe rreziku nga prishjet e pompave, të cilat sot punojnë pa ndërprerje, kështu që edhe konsumi për disa herë është më i madh se zakonisht. Në disa zona periferike të komunës për këtë arsye vjen deri te çrregullimi i furnizimit me ujë. Kjo tregon qartë për konsumin joracional dhe abnormal të ujit për ujitjen e kulturave bujqësore dhe sipërfaqeve të gjelbëruara, mbushjen e pishinave, freskimin e pllakave dhe të ngjashme. Për këtë arsye i bëjmë thirrje popullatës që të përmbahet nga konsumi i pavend të ujit, ku në këtë mënyrë do të mundësojmë furnizimin normal me ujë”, tha Daniloviq për Shërbimin e informimit të Komunës së Graçanicës.
Siç bëhet e ditur nga ekipi kujdestar i komunës, nga sot do të fillohet me kontrollimin e terrenit për t’u kryer inspektimi i konsumit të pavend të ujit, dhe për të shqiptuar dënimet e detyrueshme dhe monetare ndaj individëve të papërgjegjshëm, të cilët ujin e përdorin për ujitjen e kopshteve.
Drejtori i Departamentit të Shërbimeve Publike të Komunës së Graçanicës, Zoran Daniloviq, iu bën thirrje sot konsumatorëve të ujit nga territori i komunës së Graçanicës që ta përdorin racionalisht ujin, në mënyrë që të gjitha fshatrat në territorin e komunës së Graçanicës të jenë të furnizuara rregullisht me ujë.
