Vitin e kaluar, Departamenti i Urbanizmit dhe Planifikimit pranë Komunës së Graçanicës ka filluar me realizimin e projektit në ndërtimin e rrjetit infrastrukturor për Kompleksin sportiv – kulturor, i cili ndërtohet në mes të Llapllasellës dhe Livagjes, në një sipërfaqe prej 3.011 metra katrorë. Rrjeti infrastrukturor punohet prej Shtëpisë së gjuetarëve në Llapllasellë deri tek vendi ku është planifikuar ndërtimi i Kompleksit sportiv – kulturor, përgjatë rrugës Llapllasellë – Livagjë.
Autoritetet e këtij Departamenti raportojnë që këto ditë do të vazhdohet me punimet në ndërtimin e rrjetit infrastrukturor , në një gjatësi prej 1.500 metrash, ku pritet që përfundimi i tyre do të jetë së shpejti.
„Aktualisht, janë duke u zhvilluar punimet përfundimtare që kanë të bëjnë me lidhjen e kabllove të tensionit të lartë me trafostacionin, si dhe vendosjen e ndriçimit rrugor prej Shtëpizës së gjuetarëve deri tek Kompleksi sportiv – kulturor“, raportohet nga Departamenti i Urbanizmit.
Deri më tani, në kuadër të rrjetit infrastrukturor për Kompleksin sportiv – kulturor, janë zhvilluar punimet edhe në rregullimin e kanalizimit fekal dhe atmosferik, tubacionit të ujësjellësit, si dhe në ndërtimin e shtegut për këmbësorë, përgjatë pjesës së rrugës Llapllasellë – Livagjë.
Janë duke përfunduar punimet në projektin e ndërtimit të rrjetit infrastrukturor për Kompleksin sportiv – kulturor në Llapllasellë, ku aktualisht punohet në lidhjen e kabllove të tensionit të lartë me trafostacionin dhe ndriçimin rrugor.
