Vendin e parë në ligën verore në futbollin e vogël e mori skuadra “Uglare”, vendi i dytë i takoi skuadrës „Llapllasellë“, vendin e tretë e fitoi skuadra “Priluzhje”, ndërsa vendi i katërt i takoi skuadrës “Maksi-taxi”.
Kapiteni i skuadrës fituese, Goran Jovanoviq, theksoi se kanë bërë përpjekje dhe dhanë gjithçka nga vetja për ta fituar ligën verore.
„Jemi munduar dhe kemi punuar shumë për të arritur qëllimin tonë dhe në fund fituam ligën verore, siç kemi luftuar edhe nëpër turnet e tjerë për pozitën e parë edhe këtu dëshmuam përpjekjet tona“, me kënaqësi tha Jovanoviq.
Titulli për portierin më të mirë i takoi Millosh Trajkoviqit nga fshati Uglar, ndërsa titullin për golshënuesin e fitoi Igor Simiq, gjithashtu nga fshati Uglar. Boshko Gjorgjeviq nga Llapllasella u shpall për lojtarin më të mirë.
Për gjyqëtarin më të mirë u shpall Sllavisha Deniq. Ai theksoi se ndihet i privelegjuar me titullin.
„Me këtë punë merrëm që dhjetë vjet. Ky është titulli im i parë për gjyqëtarin më të mirë, jam shumë i kënaqur dhe kjo ka një domethënie të madhe për mua. Ekipet ishin shumë të forta, patëm shumë punë për të bërë, por çdo gjë në fund kaloi mirë. Unë shfrytëzoj rastin për të falënderuar organizatorin e ligës, Miodrag Dimitrijeviqit dhe sponsorin e ligës, Komunën e Graçanicës“, tha Deniq.
„Pritjet e mia janë plotësuar, liga verore në futbollin e vogël ka përfunduar me sukses. Ideja ishte e imja, por pa mbështetjen e Komunës së Graçanicës ne nuk do të ishim në gjendje ta realizojmë këtë. Me këtë rast, dëshiroj edhe një herë të falënderoj përfaqësuesit e komunës për besimin e dhënë “, tha Miodrag Dimitrijeviq, koordinatori i ligës verore.
Komuna e Graçanicës ishte sponsori gjeneral i këtij manifestimi sportiv ku për fituesit janë siguruar çmimet e vlefshme, të cilët janë dhënë nga nënkryetari i komunës, Igor Aritonoviq.
Liga verore në futbollin e vogël përfundoi me fitorën e skuadrës “Uglare”. Pas gati dy muaj dhe ndeshjeve të luajtura në raundin e pesëmbëdhjetë, në Graçanicë përfundoi liga verore në futbollin e vogël. Për titullin e skuadrës më të mirë u ndeshën 16 skuadra, ku në ndeshjen finale u takuan skuadra „Uglare“ dhe „Llapllasella“.
