Kryetarja e Komunës së Graçanicës, prof.dr. Ljiljana Shubariq, sot ua dorëzoi kontratat e punës praktike të rinjve nga territori i Komunës së Graçanicës, të cilët i plotësuan kushtet e konkursit të shpallur nga UNICEF-i nën kujdesin e Generation Unlimited (K-GenU) Kosova.
Pesëdhjetë të rinj nga territori i Komunës së Graçanicës sot kanë nënshkruar kontrata për punë praktike me pagesë tre mujore në fusha të ndryshme.
Kontratat janë dorëzuar në sallën e Komunës së Graçanicës nga kryetarja e komunës, prof.dr. Ljiljana Shubariq.
“Ju uroj për kontratat tuaja. Ju uroj të përmirësoheni vazhdimisht, të vini në pah njohuritë dhe aftësitë tuaja, të edukoheni dhe të jeni të vlefshëm. Komuna e Graçanicës në mënyrë të pavarur dhe me miqtë e saj do të jetë mbështetja juaj në të ardhmen”, tha Shubariq.
Skema e punës praktike është një model i zhvilluar nga UNICEF-i dhe partnerët nën kujdesin e Generation Unlimited (K-GenU) Kosova) me qëllim të përmirësimit të aftësive të shekullit të 21-të dhe gatishmërisë profesionale për të rinjtë duke ofruar mundësi për të fituar përvojë pune përmes praktikave të paguara të ndjekura nga trajnimin e aftësive dhe programin e gjerë dhe të strukturuar të mentorimit.
Modeli kombinon qasje të testuara, fleksibilitet dhe inovacion.
