Grupi punues për buxhetin i Komunës së Graçanicës vazhdoi të mbajë diskutime publike me banorët e Komunës së Graçanicës. Diskutimi i tretë publik u mbajt në Uglar dhe më pas në Lepinë.
Dje në Uglar u mbajt diskutimi publik me qytetarët mbi prioritetet për investimet kapitale brenda buxhetit të Komunës së Graçanicës për vitin 2027 për banorët e Uglarit dhe Batushës dhe anëtarët e Këshillit lokal.
Banorët e Uglarit dhe Batushës theksuan rinovimin e shkollës fillore në Uglar, rregullimin e infrastrukturës komunale dhe rehabilitimin e rrugëve dhe ndriçimit rrugor si prioritetet më të rëndësishme.
Nga ora 19:00 u mbajt diskutimi publik edhe në shkollën fillore në Lepinë për banorët e Lepinës, Radevës, Skullanit, Suhadollit, Hashanëve dhe Lagjes së Re.
Banorët e këtyre vendbanimeve kërkuan gjithashtu nga autoritetet komunale që ta përmirësojnë infrastrukturën komunale dhe ndriçimin rrugor, si dhe rehabilitimin e rrugës Preoc-Lepinë.
Një nga temat më të rëndësishme në diskutimin publik në Lepinë ishin problemet e shumicës së banorëve të këtyre fshatrave lidhur me përmbytjet. Ata kërkuan që në buxhetin e vitit 2027 të Komunës së Graçanicës të ndahen më shumë mjete për mbrojtjen nga përmbytjet, me qëllim të parandalimit dhe shmangies së dëmeve në pronën e banorëve, siç ndodhi në periudhën e kaluar.
Banorët e Suhadollit gjithashtu i shohin deponitë ilegale si një problem të madh dhe i kërkuan Komunës së Graçanicës të ndajë mjete për zgjidhjen e kësaj çështjeje vitin e ardhshëm.
Diskutimi i ardhshëm publik do të mbahet sot, më 05.08.2026, në orën 17:00 në Shtëpinë e kulturës në Gushtericën e Poshtme për banorët e Gushtericës së Epërme dhe të Poshtme, Dobrotinin dhe Livagjës.
