Kryesuesi i Kuvendit komunal të Graçanicës Vladeta Kostiq tha se ligji në këtë format nuk është i pranueshëm, siç tha ai, ai diskriminon jo vetëm komunitetit serb por edhe të gjitha komunitetet e tjera pakicë dhe si i tillë nuk mund të kalojë.
“Jemi këtu për ta mbrojtur të drejtën e votës e të gjithë qytetarëve tanë të zhvendosur dhe të dërgojmë një mesazh se ne nuk biem dakord me faktin se ne nuk kemi kontroll mbi procesin zgjedhor. Unë i bëj thirrje komunitetit ndërkombëtar që të mos e lejojë këtë, duke marrë parasysh se ai është faktori më i rëndësishëm këtu në Kosovë. Jam shumë i kënaqur që edhe komunitetet e tjera pakicë janë me ne dhe i ftoj të gjithë deputetet serbë që të mbesin të bashkuar, siç ishin edhe herën e kaluar, dhe i ftoj gjithashtu deputetet e komuniteteve tjera pakicë që t’iu bashkangjitën atyre”, tha Kostiq.
Kryetari i Komunës së Graçanicës, Branimir Stojanoviq, tha se është e rëndësishme që deputetet të jenë të përgjegjëshëm, siç kanë qenë edhe herën e kaluar.
“Kjo është një mundësi për të treguar se serbët mund të jenë të bashkuar kur mbrohen intereset e tyre themelore dhe të drejtat në këtë hapësirë”, tha Stojanoviq.
Protesta e sotme paralajmëruese është e dyta me rradhë, e cila zgjati tridhjetë minuta. Protesta është organizuar edhe në të gjitha komuna tjera me shumicë serbe.
Para objektit të Komunës së Graçanicës është organizuar protesta paralajmëruese për shkak të ndryshimit të ligjit zgjedhor, i cili duhet të futet në procedurën parlamentare, sipas të cilit personave të zhvendosur dhe refugjatëve që jetojnë jashtë Kosovës iu mohohet e drejta e votës.
