Përveç institucionit amë në Gushtericën e Poshtme, zyrtarët e Departamentit të Shëndetësisë të udhëhequr nga specialisti i stomatologjisë preventive për fëmijë, dr. Jovica Stojkoviq, i kanë vizituar fëmijët të cilët e kalojnë kohën në paralelen e ndarë në Dobrotin.
Dr. Stojkoviq ua shpjegoi fëmijëve se si duhet të pastrohen dhëmbët dhe të mirëmbahet higjiena e dhëmbëve, dhe njëkohësisht t’i kryejnë disa ekzaminime.
“Dhëmbët në nofullën e poshtme lahen sikurse rritet bari, nga poshte lart, ndërsa dhëmbët e nofullës së sipërme se si bie shiu, nga lart poshtë”, ua tha mjeku Stojkoviq fëmijëve.
Për gjithsej shtatëdhjetë fëmijë të institucionit parashkollor “Dielli” Departamenti i Shëndetësisë ka siguruar dhe ua ka shpërndarë fëmijëve brushat dhe pastën e dhëmbëve. Fëmijët ishin të interesuar dhe dëgjuan me shumë kujdes këshillat e mjekut Stojkoviq, sidomos ishin të kënaqur me dhurata.
Punëtoria, e cila kishte si qëllim t’i mësoj fëmijët për rëndësinë e larjes së dhëmbëve dhe gojës, teknikën e larjes dhe përdorimit të duhur të brushës, tashmë është mbajtur në kopshtin për fëmijë “Gjurgjevak” në Graçanicë dhe “Gëzimi ynë” në Uglar, ndërsa gjatë ditëve në vazhdim do të mbahet edhe në institucione të tjera në territorin e Komunës së Graçanicës.
Departamenti i Shëndetësisë i Komunës së Graçanicës me vizitën e institucionit parashkollor “Dielli” në Gushtericën e Poshtme po vazhdon me mbajtjen e punëtorisë “Një buzëqeshja e bukur – një jetë e shëndetshme”, në të cilën u është thenë fëmijëve rëndësia e mirëmbajtjes së rregullt dhe të duhur e higjienës së dhëmbëve.
