Pepshi në letrën e tij, të drejtuar kryetarit të Kolegjiumit të zyrtarëve të TI – së në Kosovë, Ukë Krasniqi, dhe të dërguar Komunës së Graçanicës, theksoi se është i ftuar nga kryetari i Komunës së Junikut, Agron Kuqi, të paraqitet para komisionit disciplinor në lidhje me përmbajtjen e e-mailit të dërguar Vladan Popoviqit.
Edhe pse bëhet fjalë për shkëmbimin e informacioneve përmes e-mailit zyrtar, i cili iu është dërguar në e-mail të gjithë anëtarëve të Kolegjiumit të zyrtarëve të TI – së në Kosovë, Rrustem Pepshi veprimin e tij e shpjegon me një qëndrim se këtu bëhet fjalë për një korrespodencë private, pa asnjë qëllim për ta ofenduar dikënë baza etnike apo racore.
„Në asnjë mënyrë nuk kam dashur ta ofendoj apo të shprehem në baza etnike apo racore, sepse e gjitha kjo ka ndodhur për shkak të korrenspodencës private ne mes të meje dhe Vlladan Popoviqit”, thotë Pepshi në letër dhe shpreh keqardhje për, siç tha ai, “paprofesionalizmin tim në lidhje me përmbajtjen e e-mailit”.
Zyrtari i Komunës së Junikut, Rrustem Pepshi, i cili përmes e-mailit zyrtar i është drejtuar zyrtarit të Komunës së Graçanicës, Vladan Popoviq, me “shkavell”, I kërkoi falje Komunës së Graçanicës, Asociacionit të Komunave dhe Kolegjiumit të zyrtarëve të TI – së, duke theksuar se e pranon fajin për “mos maturinë dhe joprofesionalizmin” nga ana e tij.
