Drejtori i Rinisë dhe Sportit i Komunës së Graçanicës, Strahinja Aritonoviq, bisedoi me drejtorin e OJQ-së “Solidariteti për Kosovën”, Arno Gujon, për përmirësimin e sportit dhe aktiviteteve sportive në komunën tonë.
Komuna e Graçanicës po punon në mënyrë aktive për përmirësimin e aktiviteteve sportive dhe mbështetjen e klubeve sportive lokale. Për këtë qëllim, Drejtoria e Sportit dhe Rinisë është në kontakt me të gjithë ata që mund të kontribuojnë në zhvillimin e sportit.
Në kuadër të këtyre përpjekjeve, drejtori i Drejtorisë së Rinisë dhe Sportit, Strahinja Aritonoviq, e vizitoi Beogradin, ku u takua me drejtorin e OJQ-së “Solidariteti për Kosovën”, Arno Gujon. Hapur, konkretisht dhe mbi të gjitha në mënyrë miqësore, ata diskutuan për mundësitë e mbështetjes së sporteve dhe klubeve sportive që veprojnë në territorin e Komunës së Graçanicës.
“Po përpiqemi të flasim me të gjithë ata që mund të ndihmojnë, në mënyrë që së bashku, përmes programeve dhe iniciativave të ndryshme, të krijojmë kushte më të mira për praktikimin e sporteve”, tha Aritonoviq.
Sipas tij, në periudhën e ardhshme priten hapat konkretë në zbatimin e bashkëpunimit të dakorduar. Ai thekson se Komuna do të vazhdojë të investojë në infrastrukturën sportive dhe programet që inkurajojnë aktivitetin fizik.
Aritonoviq e falënderoi Gujonin dhe organizatën “Solidariteti për Kosovën” për mbështetjen e vazhdueshme ndaj popullit të Kosovës, jo vetëm në sport, por edhe në të gjitha fushat e tjera.
