Në fund të vitit 2015 e morët postin e drejtorit të Administratës komunale? Keni pasur pak kohë për t’i realizuar sot ato të planifikuara, por duket se shumë gjëra filluan të shkojnë mirë. Çfarë është ajo që ju të parën e keni bërë pas marrjes së detyrës?
Pas marrjes së detyrës më e rëndësishme për mua ishte për të futur rendin absolut kur është fjala për raportin e zyrtarëve ndaj palëve. Vizita e parë ishte realizuar në zyrat e Departamentit të gjendjes civile në Gushtericën e Poshtme. Shërbimi i shpejtë dhe mirësjellja është diçka që është më e rëndësishme dhe kjo ua është thënë të gjithë punëtorëve. Një palë nuk duhet të lejohet që pres për ofrimin e shërbimit të administratës komunale, pavarësisht për çfarë dokument bëhet fjalë. Veçanërisht është e rëndësishme që të punohet ad-hok, kur bëhet fjalë për rastet sociale, të cilat në të njëjtën ditë duhet t’i marrin dokumentet e kërkuara. E njëjta gjë vlen edhe për zyrtarët që punojnë në sportela në komunë, si dhe për punëtorët e sigurimit. Sa i përket Parkut të automjeteve, shpresoj e këty është futur rendi. Tani e dimë se cili shofer është përgjegjës për automjet. Megjithatë, edhe në këtë sektor kemi nevojë për të paktën edhe dy ose tre shoferë. Kur ne këtë do ta arrijmë, planifikojmë që ta futim nga Viti i Ri ndërrimin e dytë për shoferët.
A është nga perspektiva e drejtorit të Administratës, të gjithë administrata komunale dhe disiplina e personelit e kënaqshme?
Disiplina është në një nivel të kënaqshëm, por mendoj se mund të jetë edhe më e mirë dhe më e lartë. Ka disa raste individuale të shkeljeve të disiplinës, por kjo do të zgjidhet së shpejti.
Në domenin tuaj të kompetencave është edhe ofrimi i këshillave dhe asistencës për drejtorëte tjerë dhe stafin në komunë lidhur me çështjet e përgjithshme administrative. Cilat janë këshillat tuaja kryesore që ia ofroni atyre?
Këshilla kyçe për drejtorët është që ata duhet gjithmonë të flasin me palët, pa marrë parasysh për çfarë problem iu drejtohet pala, qoftë gjatë ose pas orarit të punës. Në fund të fundit, ata për këtë edhe paguhen për tu kujdesur për popullatën. Në qoftë se do të kishin këta njerëz një institucion tjetër ku ata do të kërkoheshin ndihmë, ata do të shkonin atje dhe nuk do të kishte ardhur këtu. Gjëja e çmendur do të ishte nëse dikush do të kishte pritur për dhjetë ditë ose më shumë për ta kryer një bisedë me një zyrtar të komunës.
A mendoni se në këto situata njerëzit shumë shpesh e përjetojnë Komunën e Graçanicës si një institucion të vetëm, e cila mund të përgjigjet kërkesave dhe nevojave të tyre.
Sigurisht. Kjo është gjithmonë rasti me Komunën e Graçanicës apo Kuvendin e qytetit të Prishtinës. Absolutisht.
Cilat janë problemet e përditshme që e përcellin punën tuaj? A mund të përgjigjeni të gjitha kërkesave dhe nevojave të palëve që drejtohen?
Në këtë fushë asgjë nuk ka ndryshuar vite më radhë. Puna është ende ajo për çka njerëzit kanë më shumë nevojë. Më shumë se 90% e palëve që vijnë për të zhvilluar një bisedë i kanë të njëjtat kërkesat dhe ato kanë të bëjnë me punësimin e anëtarit të familjes. Shumë pak prej tyre vijnë me disa probleme të tjera. Komuna e Graçanicës thjesht nuk mund t’i punësojë të gjithë ata që duan të punojnë këtu, sepse ekziston numri i caktuar i vendeve të punës, i cili është rregulluar me ligj sipas sektorëve dhe komuna nuk ka bazë ligjore për të krijuar vende pune në administratën komunale dhe t’i punësojë njerëzit, të paktën jo tani për tani. Ne përpiqemi shumë për të krijuar një mjedis në të cilin njerëzit do të punësohen, ku kësaj i shtohet edhe përpjekjet e kryetarit të Komunës së Graçanicës për të rritur bashkëpunimin me biznesmenët lokalë. Në këtë kuptim, është filluar me përpilimin e një liste të prioriteteve, konkretisht po shqyrtohet mundësia e krijimit të vendeve të reja të punës mbi bazën e kualifikimeve dhe të nevojave të kompanive vendore, pavarësisht nëse këto firma gjenden në Graçanicë ose në një nga zonat industriale. Mund të them se jemi në rrugën e duhur, sepse ekziston një mundësi shumë e lartë që një numër i madh i njerëzve do të punësohet në vitin 2016.
Ju vini nga mediat, kështu që kjo sferë e shoqërisë për ju është shumë e njohur. Si e vlerësoni raportimin mediatik të aktiviteteve të Komunës së Graçanicës. Ku janë problemet, nëse ka ndonjë, dhe çfarë do të ishte këshilla juaj për ta kur bëhet fjalë për raportimin e tyre mbi punën e Komunës së Graçanicës?
Ndërsa unë isha duke punuar në media, kam qenë i mendimit se zyrtarët komunalë dhe madje edhe kryetari i komunës duhet të jenë në dispozicionin të gjithë kohën për mediat. Megjithatë, tani me këtë pozicion, unë kuptova se kjo thjesht është e pamundur. Ka shumë obligime në një ditë, si dhe palë gjithashtu. Është shumë e vështirë që gjatë ditës së punës të ndahet një kohë për të gjitha mediat që dëshirojnë ta jenë një lloj të lajmit të veçantë. Sigurisht, komuna përpiqet që të jetë në dispozicion të gjitha mediave, në çdo kohë, sepse drejtorët dhe këshilltarët e kryetarit të komunës, secili brenda domenit të vet, kanë një përgjegjësi të madhe ndaj popullsisë. Mediat si mediat. Gjithkush dëshiron të ketë një lajm ekskluziv. Megjithatë, mendoj se është më e rëndësishme që të ketë lajme të sakta dhe të verifikuara sesa një lajm të paverifikuar ekskluziv.
Brenda kompetencave tuaja është edhe Shërbimi informativ i Komunës së Graçanicës? Ky departament gjatë vitit 2014 dhe 2015 mori mirënjohje dhe faleminderime të shumta për punën e tij nga shumë institucione. Sipas jush, a mendoni se ky departament arrin që të përballet me të gjitha sfidat dhe çfarë do të ndryshoni?
Deri tani jam shumë i kënaqur me punën tuaj. Ajo që unë konsideroj një domosdoshmëri është punësimi i të paktën dy apo tre gazetarëve. Planifikoj që në vitin 2016 të fillojmë me një prodhim të vogël komunal që do të jetë në portalin e internetit të ketë një seksion të veçantë për audio dhe video prezantime. Çdo gjë që është bërë në komunë në mënyrë që kjo t’iu prezantohet popullatës dhe të jetë kjo e arritshme tërë kohën për ta. Unë e di se ju e kryeni punën tuaj shumë mirë, por mendoj se keni nevojë për të paktën dy apo tre gazetarë për të mbuluar absolutisht gjithçka, nga ora 8:00 të mëngjes dhe jo vetëm deri në orën 16:00, por edhe më vonë.
Çfarë është ajo që ju planifikoni të bëni në vitin 2016 si një detyrë prioritare?
Detyra prioritare në vitin 2016 është modernizimi i Shërbimit të gjendjes civile, përkatësisht mundësia që në mënyrë elektronike të paraqitën kërkesat. Këtë e ka nisur tashmë Komuna e Prishtinës. Është shumë e dobishme dhe praktike për popullsinë. Lidhur me këtë ne kemi folur tashmë me Sektorin tonë të TI – së dhe mendoj se në vitin 2016 ne do të hyjmë në realizimin e këtij projekti. Kushdo që ka nevojë, do të jetë në gjendje që përmes mënyrës elektronike ta paraqet një kërkesë për marrjen e ndonjë dokumenti dhe mundësinë që ky dokument në një periudhë shumë të shkurtër kohërore, ndoshta për 24 orë, t’i arrijë në adresën shtëpiake.
Mesazhi juaj festiv për punonjësit në sektorin tuaj dhe popullatën në Komunën e Graçanicës?
Mesazhi im për popullatën është që të jetë e bashkuar, kjo është ajo që të gjithëve na duhet në të vërtetë. Unë ua uroj që t’iu plotësohen të gjitha dëshirat, por mbi të gjitha, unë i uroj atyre shëndet të mirë. Në këtë situatë dhe kohë në të cilën ne jetojmë më i rëndësishëm është shëndeti, ndërsa të gjitha të tjerat vijnë vetë. Komuna e Graçanicës në vitin 2016 do të jetë në shërbim të popullsisë së saj në çdo kohë, 24 orë në ditë. Ne do të përpiqemi që t’i dalim në ndihmë të gjithëve aq sa mundemi dhe aq sa është në fuqinë tonë.
800×600
Drejtor një kohë të gjatë i Radio Graçanicës, Sasha Sekuliq, u emërua në nëntor të vitit 2015, me vendimin e kryetarit të Komunës së Graçanicës, Vladeta Kostiq, si drejtor i ri i Administratës së Komunës së Graçanicës. Prioritet për të është rregullimi i Shërbimit të gjendjes civile përmes futjes së një sistemi të lëshimit të dokumenteve në mënyrë elektronike dhe dërgimit të tyre në adresën shtëpiake dhe hapjen mini –produksionit të komunës për prodhimin e video dhe audio përmbajtjeve mbi punën e Komunës së Graçanicës.
Normal
0
false
false
false
EN-US
X-NONE
X-NONE
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Calibri”,”sans-serif”;}
