Në Graçanicë janë duke u zhvilluar punimet për shënjimin e vendkalimeve për këmbësorë, njoftohet nga Drejtoria e Shërbimeve Publike dhe Situatave Emergjente të Komunës së Graçanicës.
Drejtori i kësaj drejtorie, Vlladica Trajkoviq, tha se janë duke u shënuar vendkalimet e zbehta të këmbësorëve në rrugën kryesore përmes Graçanicës, përkatësisht në rrugën kryesore Prishtinë-Gjilan.
Sipas tij, punimet kryhen nga Drejtoria e Shërbimeve Publike në bashkëpunim me Ministrinë e Infrastrukturës.
Siç theksoi ai, punimet janë duke u kryer para festës së ardhshme të Vidovdanit dhe shtoi se në periudhën e ardhshme prioritet do të jetë rregullimi i vendkalimeve të mbetura për këmbësorë.
