Me rastin e Ditës Ndërkombëtare të Romëve, në Shkollën e Ekonomisë dhe Tregtisë u mbajt një orë mësimi publik për ta tërhequr vëmendjen për rëndësinë e kulturës, traditave dhe të drejtave të komunitetit rom.
Kjo ditë, e cila festohet më 8 Prill në mbarë botën, i kushtohet ndërgjegjësimit për sfidat me të cilat përballen romët, si dhe promovimit të trashëgimisë së tyre të pasur kulturore.
Ora publike, e mbajtur nga profesori i gjuhës dhe letërsisë serbe, Ivan Maksimoviq, mbuloi aspekte të ndryshme të jetës së romëve, nga historia, gjuha dhe traditat e tyre, deri te problemet me të cilat përballen në shoqëri.
“Kjo orë është një mundësi për të na e rikujtuar rëndësinë e tolerancës, mirëkuptimit të ndërsjellë dhe respektit të diversitetit mes të rinjve dhe të drejtave të barabarta për të gjithë, pavarësisht nga përkatësia etnike”.
Në emër të Komunës së Graçanicës, në këtë ngjarje morën pjesë shefja e Kabinetit, Kristina Bllagiq, drejtoresha e Arsimit, Brankica Niqiq dhe këshilltari Sasha Daniq, i cili në fjalën e tij para të pranishmëve e theksoi rëndësinë e edukimit të fëmijëve romë.
“Komuna e Graçanicës po punon shumë për ta përmirësuar pozitën e komunitetit rom, veçanërisht kur bëhet fjalë për arsimimin e të rinjve”, tha Daniq.
Është shfaqur edhe një raport i shkurtër për romët, u organizua një kuiz mbi njohuritë e gjuhës rome dhe ora përfundoi me folklorin romë.
