Drejtoria e Urbanizmit e Komunës së Graçanicës ka shpallur një thirrje publike për kartën sociale të banimit, përkatësisht për paraqitjen e kërkesave nga individët dhe familjet e interesuara për ndarjen e materialit ndërtimor.
Të drejtën për të paraqitur aplikacionin e kanë kategoritë e mëposhtme të individëve dhe familjeve:
– familjet dhe individët që kanë nevojë për adaptimin dhe rehabilitimin e objekteve ekzistuese të banimit,
– familjet dhe individët që posedojnë hapësira të banimit nën normat e banimit social,
– familjet dhe individët që jetojnë në objekte të banimit që rrezikojnë sigurinë e tyre.
Apliakcioni mund të shkarkohet në ueb-faqen zyrtare të Komunës së Graçanicës ose në ndërtesën e Komunës së Graçanicës, përkatësisht në sportelin e Drejtorisë së Urbanizmit, ku i njëjti dorëzohet i plotësuar së bashku me dokumentet e renditura në aplikacion.
Afati i fundit për dorëzimin e aplikacioneve është 13.05.2021.
