Tifozët me vendosjen e pikës së mbledhjes së mjeteve financiare në qendër të Graçanicës janë bashkuar aksionit humanitar të iniciuar nga Komuna e Graçanicës për të ndihmuar Aleksin e vogël, i cili ka nevojë për 7.500 euro për shkuarjen e tij në trajtim në Ukrainë. Punonjësit e komunës të udhëhequr nga kryetari Branimir Stojanoviq në mënyrë të organizuar përkrahën këtë aksion.
„Ky aksion erdhi si ide nga komuna jonë dhe ne do ta vazhdojmë. I falënderoj tifozët që i janë bashkuar këtij aktiviteti. Absolutisht kam besim tek ne. Humanitetin dhe solidaritetin tonë e kemi treguar shumë herë deri më tani. Ekzistojnë listat e përhershme të atyre që kanë nevojë për ndihmë dhe aktivitetet humanitare duhet të jenë të vazhdueshme dhe jo individuale që do të shfaqen kohë pas kohe. Të gjithë duhet të jemi të vetëdijshëm që ekzistojnë shumë njerëz të cilët kanë nevojë për ndihmë. Jam i bindur që do t΄i mbledhim paratë e mjaftueshme dhe se nuk do të heqim dorë deri sa këtë nuk e bëjmë, tha kryetari i Komunës së Graçanicës.
Një nga tifozët e Partizanit, Stefan Popoviq, tha se ideja për inicimin e aksionit të përbashkët është krijuar në atë moment kur edhe u shpallë informacioni se Aleksi ka nevojë për ndihmë.
„Kjo, sipas nesh, ishte mënyra më e mirë për të treguar të gjithëve se ne jemi duke punuar diçka së bashku kur për këtë në të vërtet ka nevojë“, tha Popoviq.
Adam Balog, tifozi i Crvena zvezdës, tha se me aksion do të vazhdohet edhe gjatë ditëve në vazhdim në mënyrë që të mblidhen sa më shpejt mjetet për trajtimin e Aleksit.
Dhjetëvjeçari Aleksa Jovanoviq në lindje mbeti pa oksigjen që shkaktoi dëmtime të rënda në tru dhe ka lënë pasojë në zhvillimin dhe rritjen e tij. Mundësia e vetme e trajtimit e Aleksit të vogël është terapia FSC me qeliza staminale në klinikën „ EmCell“ në Ukrainë, ku për këtë nevojiten mjetet prej 7.500 euro.
Klubet „Shinobi“ dhe „Hogosha“ dhe klubi i karatesë „Senshi“ organizuan të shtunën një mbrëmje humanitare të arteve marciale, ndërsa të gjitha mjetet e mbledhura janë paguar në xhiro-llogarinë e Aleksit Jovanoviq.
Mjetet monetare për trajtimin e Aleksit në Ukrainë mund të paguhen në xhiro-logarinë kodin e Bankës komerciale në emër të Aleksit Jovanoviq nr. 205-9011005619038-72.
Tifozët e Partizanit dhe të Crvena zvezdës u bashkuan sot në Graçanicë për ta ndihmuar dhjetëvjeçarin Aleksa Jovanoviq, duke mbledhur mjete financiare për t΄ia mundësuar atij udhëtimin në Ukrainë për transplatimin e qelizave staminale.
