Turneu i 4-t përkujtimor i peshkimit u mbajt dje, i kushtuar kujtimit të punonjësit të vjetër të Komunës së Graçanicës, Boban Marinkoviq, i cili la gjurmë në komunitetin lokal me punën dhe përkushtimin e tij.
Turneu mblodhi 46 garues, ndërsa gara kaloi në një frymë sportive, një atmosferë të mirë dhe shoqërizim midis pjesëmarrësve.
Në garën e juniorëve, të gjithë pjesëmarrësit morën medalje, të cilat inkurajuan më tej pjesëmarrjen e më të rinjve në peshkimin sportiv dhe zhvillimin e sportivitetit.
Në garën e seniorëve, më të suksesshmit ishin: Nebojsha Jovanoviq – vendi i parë, Goran Joviq – vendi i dytë dhe Ljubisha Periq – vendi i tretë.
Janë siguruar çmimet përkatëse për garuesit më të mirë.
Turneu përkujtimor u mbështet nga Komuna e Graçanicës, përmes projektit “Promovimi i aktiviteteve sportive në Komunën e Graçanicës”, i zbatuar nga OJQ-ja “SDTV”, me qëllim të inkurajimit të sportit, rekreacionit dhe pjesëmarrjes aktive të qytetarëve në aktivitetet sportive.
Në mbylljen e turneut mori pjesë drejtori i Drejtorisë së Rinisë dhe Sportit, Strahinja Aritonoviq, i cili i falënderoi të gjithë pjesëmarrësit për pjesëmarrjen dhe kontributin e tyre në zbatimin me sukses të turneut, përgëzoi më të mirët për rezultatet e arritura dhe ndau çmime.
Turneu i katërt përkujtimor ishte një mundësi për ta ruajtur kujtimin e Boban Marinkovqit dhe kontributin e tij të gjatë në Komunën e Graçanicës përmes sportit dhe shoqërimit.
