Panelistët dhe pjesëmarrësit e debatit u pajtuan se Ligji për përdorimin e gjuhëve në Kosovë është i mirë dhe në përputhje me standardet evropiane, por zbatimi i tij është i keq.
OJQ “Komunikimi për zhvillimin e shoqërisë” (CSD) në kuadër të projektit “Gjuha ime, e drejta e komunitetit tim në komunën time”, i cili implementohet në bashkëpunim me Ambasadën e Zvicrës në Kosovë dhe Komunën e Graçanicës, organizoi një debat mbi Ligjin për përdorimin e gjuhëve me theks në përdorimin dhe gjendjen e gjuhës rome në territorin e komunës së Graçanicës.
Sekretarja e parë e Ambasadës së Zvicrës në Kosovë, Saskia Salzman, e vlerësoi Komunën e Graçanicës për shkak të futjes së gjuhës rome në përdorim zyrtar.
“Gjuhët dhe mësimi i tyre, sidomos në Kosovë, janë shumë të rëndësishme për komunikim. Jemi krenar që gjuha rome do të jetë pjesë integrale e komunës së Graçanicës. Të gjitha komunat tjera në Kosovë duhet ta marrin si shembull rastin e kësaj komune”, tha ajo.
Komisioneri i Zyrës për gjuhët në Qeverinë e Kosovës, Slavisha Mladenoviq, tha se shumëgjuhësia është një pasuri e Kosovës dhe gjuha rome zë një vend të veçantë.
“Kultivimi dhe ruajtja e gjuhës rome është një detyrë e përbashkët. Zyra e komisionerit për gjuhët vazhdimisht e përkrah popullarizimin e gjuhës rome, ruajtjen e identitetit kulturor dhe kombëtar të romëve, si dhe arsimimin dhe edukimin e tyre”, tha z. Mladenoviq dhe shtoi se në mbështetje të tillë duhet të ofrohet edhe nga institucionet.
Nënkryetari për Komunitete, Sebastian Sherifoviq, tha se suksesi më i madh i romëve gjatë gjithë historisë së tyre është se kanë arritur ta ruajnë gjuhën, kulturën dhe identitetin e tyre.
“Në bashkëpunim me Ambasadën e Zvicrës, Zyrën e komisionerit dhe organizatën CSD kemi arritur ta bëjmë hapin e parë në rajon dhe të bëhemi komuna e parë e cila e ka future gjuhën rome në përdorim zyrtar”, tha Sherifoviq.
Drejtori i OJQ “Zëri i romëve, ashkalive dhe egjiptasve” (“Voice of RAE”), Isak Skenderi, tha se me futjen e gjuhës rome në përdorim zyrtar romët bëhen qytetarë me të drejta të plota të komunës së Graçanicës.
“Përkundër të kësaj, romët janë më të margjinalizuar në Kosovë. Problemi më i madh është papunësia, ku rreth 90 për qind të romëve nuk punojnë askund. Ka probleme në arsim, shumica e lëshon shkollimin, kryesisht për shkak të varfërisë dhe jetës së vështirë. Megjithatë, është inkurajuese fakti se punohet në përmirësimin e pozitës së tyre”, tha Skenderi.
Në kuadër të projektit, CSD – ja do të organizojë një debat në Obiliq dhe Fushë Kosovë, ku pastaj do të organizohet një konferencë rajonale.
800×600
Pjesëmarrësit e debatit “Gjuha ime, e drejta e komunitetit tim në komunën time” e vlerësuan Komunën e Graçanicës për futjen e gjuhës rome në përdorim zyrtar.
Normal
0
false
false
false
EN-US
X-NONE
X-NONE
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Calibri”,”sans-serif”;}
