Diskutimi i dhjetë publik për buxhetin e Komunës së Graçanicës u mbajt me përfaqësuesit e personave me nevoja të veçanta dhe organizatave të ndryshme në hapësirat e Inkubatorit social në Graçanicë.
Buxhetin për vitin e ardhshëm 2025 e prezantoi drejtori për Buxhet dhe Financa, Sllavisha Niçiq, pas së cilës të pranishmit mund t’i paraqesin propozimet dhe sugjerimet e tyre.
Dragan Josifoviq ishte i pari që foli në emër të personave me nevoja të veçanta dhe me atë rast paraqiti disa kërkesa. Ai tha se hapësirat dhe institucionet publike nuk janë të aksesueshme për personat me aftësi të kufizuara dhe kërkoi përshtatjen e tyre në drejtim të vendosjes së aksesit fizik. Ai përmendi mungesën e transportit adekuat si problem për personat me nevoja të veçanta dhe kërkoi një automjet të përshtatur posaçërisht për këta persona. Ai kërkoi formimin e Zyrës për Personat me Aftësi të Kufizuara, e cila do t’i ndihmonte personat me nevoja të veçanta në aktivitetet e tyre të përditshme dhe në këtë kuptim kërkoi edhe formimin e të ashtuquajturës Qendrës ditore ku do të mbaheshin punëtori të ndryshme.
Jellena Bullatoviq, para Qendrës për komunitete pakicë, kërkoi rritje të buxhetit për Zyrën Komunale për Barazi Gjinore, e cila do të kryente aktivitete që synojnë parandalimin e dhunës në familje, si dhe përmes edukimit. Në këtë kuptim, ajo përmendi Shtëpinë e sigurt, që ndodhet në Novobërdë, e cila mund të mbështetej në këtë mënyrë.
Dejan Bozhidareviq, para Iniciatiivës rinore të Graçanicës, kërkoi mbështetje për shërbimin e amvisave geronto, të cilat do të kujdeseshin për të moshuarit dhe personat e braktisur, por edhe projekte që do të gjallëronin rininë.
Alleksandar Stojanoviq nga organizata “Shtigjet e diellit”, e cila kryesisht merret me punën me fëmijët për mbrojtjen e mjedisit, i përcolli kërkesat e fëmijëve, përkatësisht: vendosjen e shportave për mbeturina në çdo vend, si dhe bankave në oborret e shkollave, plotësimin e bibliotekave me libra profesionale, furnizimin me pajisje sportive, sigurimin e mjeteve higjienike në shkolla, instalimin e dispenzuesve të ujit në shkolla, përmirësimin e internetit dhe pajisjeve kompjuterike në shkolla, formimin e kabinetit për aktivitete jashtëshkollore në çdo shkollë dhe ndërtimin e shtëpive verore në oborret e shkollave. Nga kjo organizatë kanë kërkuar sistemin e ujitjes së djerrinës për ta parandaluar pluhurin dhe ndotjen e mjedisit.
Sandra Gjokiq nga OTG-ja theksoi se në territorin e Komunës së Graçanicës mungojnë tualetet publike dhe parkingjet, të cilat do të ishin të rëndësishme si për qytetarët ashtu edhe për turistët që e vizitojnë komunën tonë. Ajo kërkoi gjithashtu rehabilitimin e rrugës për në manastirin e Shën Dhimitrit në Sushicë, sepse, siç shpjegoi ajo, turistët apo autobusët nuk mund ta arrijnë atë.
Diskutimi i njëmbëdhjetë dhe i fundit publik për buxhetin do të mbahet në ora 18:00 në Shtëpinë e kulturës në Graçanicë me banorët e Graçanicës, Badovcit të ri, Sushicës dhe Kishnicës.
