Në sallën e Kuvendit Komunal të Graçanicës u mbajt mbledhja e gjashtë e rregullt e Komitetit për Komunitete.
Mbledhja u kryesua nga përfaqësuesi i komunitetit rom dhe kryetari i Komitetit për Komunitete, Milaim Eminoviq, i cili fillimisht i njoftoi anëtarët me rendin e ditës.
U miratua procesverbali nga mbledhja e pestë e rregullt, e mbajtur më 04.07.2019, ku pastaj Eminoviqi falënderoi Komunën e Graçanicës për të gjitha përpjekjet që po bën për të përmirësuar jetën e komunitetit rom dhe e vuri në dukje problemin me mbeturina që ndodhen afër varrezave rome në Preoc. Ai tha se ai kishte biseduar tashmë në lidhje me problemin e mbeturinave me organet kompetente dhe se problemi do të zgjidhej brenda dy ditëve të ardhshme.
Përfaqësuesit e sektorit civil, por edhe përfaqësuesit e Këshillit Konsultativ për Komunitete ishin të interesuar për opinionin e komuniteteve lidhur me performancën e Komunës së Graçanicës në zgjidhjen e problemeve të tyre.
Në lidhje me këtë, u theksuan rezultatet në vitin e fundit, nga të cilët, përfshirja e komuniteteve pakicë në procesin e punës praktike, varrezat rome, strehimi banesor janë vetëm disa nga rezultatet e arritura.
Drejtori i Drejtorisë Komunale të Financave, Sllavisha Niçiq, i njoftoi të pranishmit se komuna së shpejti do të fillojë të organizojnë debate publike në lidhje me planifikimin e buxhetit komunal për vitin e ardhshëm, ku njëra prej tyre do të jetë për komunitetin rom dhe një për komunitetin shqiptar. Ai u bëri thirrje anëtarëve të komitetit që ta informojë komunitetin e tyre në lidhje me këtë, në mënyrë që të gjithë të marrin pjesë në planifikimin e buxhetit në një mënyrë meritore.
