Mbledhja e dytë e rregullt e Komitetit për Komunitete u mbajt sot në sallën e KK të Graçanicës. Pas diskutimit, anëtarët e komitetit njëzëri i përkrahën të gjitha pikat e rendit të ditës.
Anëtarët e Komitetit Komunal për Komunitete, së pari miratuan procesverbalin nga mbledhja e parë e rregullt, pas së cilës nënkryetari i komunës së Graçanicës, Sasha Daniq, prezantoi raportin komunal për menaxhimin e pandemisë meCovid-19, i cili përmbante të gjitha detajet e punës dhe ndihmës së dhënë. Në të njëjtën kohë, Daniqi falënderoi të gjithë punonjësit shëndetësorë, institucionet dhe individët për sjelljen e disiplinuar dhe të përgjegjshme gjatë pandemisë, duke deklaruar se komuna është krenare për faktin se jeta e njeriut dhe shëndeti i secilit individ janë ruajtur.
Sipas Daniqit, Shtabi i Krizave i Komunës së Graçanicës drejtoi një fokus të veçantë në monitorimin e situatës socio-ekonomike në mënyrë që të sigurojë ndihmë për familjet e rrezikuara sociale dhe të moshuarit. Ai prezantoi para anëtarëve të komitetit të gjitha detajet e ndihmës konkrete që komuna u shpërndau individëve dhe institucioneve shëndetësore gjatë pandemisë, veçanërisht duke vlerësuar punën e Shërbimit të Inspekcionit, si dhe Drejtorisë së Shërbimeve Publike që ishin në terren ditë e natë.
Përfaqësuesit e komunitetit shqiptar dhe rom në Komitetin e Komuniteteve falënderuan komunën për masat e ndërmarra gjatë pandemisë si dhe për ndihmën e dhënë për popullatën e komuniteteve pakicë.
Anëtarët e Komitetit për Komunitete diskutuan edhe për situatën e sigurisë gjatë pandemisë, kështu që komandanti i Stacionit policor në Graçanicë, Bratisllav Trajkoviq, paraqiti raportin e punës së tyre.
Trajkoviq theksoi se, përkundër angazhimit të madh të Policisë në terren, janë regjistruar disa grabitje, por ai përmendi edhe disa raste të zgjidhura.
Komandanti i Stacionit policor në Graçanicë, Bratisllav Trajkoviq, injoftoi anëtarët e komitetit se sulmuesit mbi vëllezërit Vuçiq në Gushtericën e Poshtme u mbajtën në paraburgim, që personat që kryen disa vjedhje dhe grabitje në komunën e Graçanicës u ndoqën penalisht dhe u dënuan me 3 vjet burg, ndërsa Njësia rajonale me stacionet në Lipjan, Fushë Kosovë dhe Graçanicë po merret me vjedhjen e bankomatit të Bankës komerciale në Shtëpinë e kulturës në Graçanicë. Shpreson që kjo çështje do të zgjidhet së shpejti.
Komandanti Trajkoviq shtoi se që nga janari i vitit 2020, dhuna në familje në territorin e komunës së Graçanicës është në rritje, pasi është rritur në krahasim me vitin e kaluar,duke u bazuar në të dhënat statistikore.
“Nga janari i vitit 2020 deri sot, ne kemi pasur 11 raste të raportuara të dhunës në familje, ndërsa vitin e kaluar kemi pasur pesë raste të regjistruara”, thaTrajkoviq në mbledhjen e Komitetit për Komunitete.
Nuk pati pjesëmarrës të regjistruar për diskutim lidhur me pikën “Të ndryshme”, kështu që kryesuesi Milaim Eminoviq mbylli mbledhjen e dytë të rregullt të Komitetit për Komunitete.
