Në sallën e Kuvendit Komunal të Graçanicës u mbajt mbledhja e katërt e rregullt e Komitetit për Komunitete, duke respektuar masat mbrojtëse nga koronavirusit.
Mbledhja u drejtua nga Milaim Eminoviq, i cili së pari i njoftoi anëtarët e komitetit me rendin e ditës, ku pastaj u miratua procesverbali nga mbledhja e tretë e rregullt, e mbajtur më 25 qershor të këtij viti.
Drejtori i Financave, Sllavisha Niçiq, i njoftoi të pranishmit me raportin gjashtëmujor financiar për vitin 2020, i cili u miratua së fundmi në mbledhjen e Kuvendit Komunal të Graçanicës.
U shqyrtua dhe u miratua edhe raporti i punës së Zyrës për Komunitete dhe Kthim për vitin 2020.
Anëtarët e Komitetit për Komunitete dhe Kthim diskutuan edhe për situatën aktuale në komunitetet e tyre.
Anëtari i komitetit, Aziz Karadollami, kërkoi mbajtjen e mbledhjes së Këshillit Komunal për Siguri në Bashkësi për shkak të situatës aktuale me koronavirus, të cilën, siç tha ai, qytetarët nuk e marrin seriozisht.
Shumica e ankesave kishin të bënin me turmën e vazhdueshme para ndërtesës së komunës dhe ata kërkuan organizimin më të mirë lidhur me këtë.
Anëtari i komitetit nga Kishnica, Fehmi Arifi, falënderoi qeverisjen lokale për realizimin e kërkesave të paraqitura në periudhën e kaluar dhe të cilat kanë të bëjnë me përmirësimin e infrastrukturës në atë vend, siç janë: asfaltimi i rrugëve, rindërtimi i ndriçimit publik dhe të ngjashme.
