Në sallën e Kuvendit Komunal të Graçanicës u mbajt mbledhja e dytë e rregulltë e Komitetit për Komunitete. Raporti vjetor i punës u miratua njëzëri në mbledhje.
Në mbledhje fillimisht u miratua procesverbali i mbledhjes së parë të rregulltë të mbajtur më 7 mars 2022, e më pas kryesuesi i Komitetit për Komunitete në mandatin e kaluar, Milaim Eminoviq, prezantoi raportin vjetor për anëtarët e rinj të Komitetit për Komunitete.
Ai theksoi se puna ka qenë plotësisht transparente dhe se në mbledhjet kanë marrë pjesë rregullisht përfaqësuesit e OSBE-së, KFOR-it dhe UNMIK-ut dhe në shumicën e rasteve edhe udhëheqësit e komunës.
Gjatë vitit të kaluar, siç tha ai, Komiteti është përballur me sfida të shumta, sidomos kur është fjala për pandeminë e korona virusit, por edhe me një sërë vështirësish të tjera të përditshme në komunitet.
Eminoviq i uroi Komitetit të ri shumë sukses në punën e tij dhe apeloi për forcimin e bashkëpunimit dhe komunikimit me zyrtarët dhe institucionet qeveritare për zgjidhjen adekuate të problemeve të komunitetit.
Pas shpjegimit dhe shqyrtimit, raporti u miratua njëzëri.
Për pikën “Të ndryshme” u diskutua për caktimin e takimeve me përfaqësuesit e këshillave lokale për të evidentuar problemet e komuniteteve dhe për t’i qasur zgjidhjes së tyre në nivel institucional përmes diskutimeve në mbledhjet e Komitetit.
