Në objektin e Komunës së Graçanicës u mbajt mbledhja e pestë e rregullt e Komitetit për Komunitete, në të cilën më së shumti është diskutuar për gjendjen e sigurisë.
Në këtë mbledhje, përveç anëtarëve të Komitetit, morën pjesë edhe komandanti i Stacionit policor në Graçanicë, Bratisllav Trajkoviq dhe zyrtarja Svetllana Kapetanoviq.
Komiteti për Komunitete filloi me miratimin e procesverbalit nga mbledhja e fundit e mbajtur më 5 maj të këtij viti.
Komandanti Trajkoviq ka folur për gjendjen e sigurisë në territorin e Komunës së Graçanicës, por edhe për incidentet e fundit – djegien e flamurit në Graçanicë dhe të shtënat në Uglar dhe se janë arrestuar gjashtë persona. Për këto raste ai foli edhe në Komisionin e djeshëm për Siguri në Bashkësi. Si dje ashtu edhe sot ai u bëri thirrje qytetarëve që ta denoncojnë në polici çdo incident apo aktivitet të dyshimtë.
Zyrtarja Svetllana Kapetanoviq foli për aktivitetet e planifikuara të policisë gjatë javës së ardhshme, kur do të shënohet, siç tha ajo, Java e sigurisë.
Anëtari i Komitetit, Dejan Jevtiq, propozoi që të përmirësohet komunikimi ndërmjet Komitetit për Komunitete dhe përfaqësuesve të komuniteteve lokale, përkatësisht qytetarëve, duke shtuar se duhet të organizohen takimet ku do të diskutohet për problemet dhe zgjidhjet e mundshme.
Në mbledhje morën pjesë përfaqësuesit e KFOR-it, OSBE-së dhe UNMIK-ut.
