Në sallën e KK të Graçanicës u mbajt mbledhja e dytë e jashtëzakonshme e Komitetit për Komunitete.
Pas miratimit të procesverbalit nga mbledhja e parë e jashtëzakonshme, informatat për gjendjen e sigurisë në territorin e Komunës së Graçanicës para anëtarëve të Komitetit ua prezantuan nga zyrtarja e Stacionit policor në Graçanicë, Svetllana Kapetanoviq.
Ajo tha se në periudhën ndërmjet dy mbledhjeve janë evidentuar dhjetë raste të vjedhjeve, tri raste të dhunës në familje dhe gjashtë raste të prishjes së rendit dhe qetësisë publike. Kapetanoviq theksoi se është e shqetësuar për faktin se në gjashtëmujorin e kaluar, krahasuar me atë të mëparshëm, është shënuar rritja e numrit të aksidenteve në komunikacion, madje 90, si dhe janë hapur 15 raste të dhunës në familje.
Ajo u bëri thirrje të gjithë pjesëmarrësve në komunikacion që të jenë më të kujdesshëm në mënyrë që të parandalohen humbjet materiale dhe njerëzore.
Pastaj, anëtarët e Komitetit diskutuan për sfidat me të cilat përballen komunitetet e tyre.
Në mbledhjen e sotme me kërkesë të anëtarëve të Komitetit ka marrë pjesë edhe drejtori i Drejtorisë Komunale të Shërbimeve Publike, Vlladica Trajkoviq, i cili e paraqiti raportin e punës së drejtorisë.
