Komiteti për Komunitete mbajti sot mbledhjen e tretë të rregullt.
Mbledhja u kryesua nga kryesuesi Milaim Eminoviq, i cili së pari e lexoi rendin e propozuar të ditës, i cili u miratua njëzëri.
Procesverbali nga mbledhja e dytë e rregullt, e mbajtur më 21 shkurt 2019, u miratuan gjithashtu.
Zyrtarja për Barazi Gjinore, Marija Joksimoviq, e paraqiti raportin mbi sfidat dhe problemet në këtë fushë.
“Ligji për Barazi Gjinore është i mirë, por në praktikë nuk respektohet dhe Kosova nuk gjendet në nivel të lakmueshëm. Në Komunën e Graçanicës, kur është në pyetje punësimi, si sfidë paraqiten pozitat udhëheqëse. Në Administratë kemi 27 gra dhe 37 burra, në Arsim 125 burra dhe 98 gra, ndërsa në Shëndetësi gjendja është e ndryshme, ku kemi 132 gra dhe 116 burra. Problemi i madh për të cilin shumë pak flitet është dhuna në bazë të përkatësisë gjinore, ku në shumicën e rasteve viktimat janë grate”, tha Joksimoviq.
Anëtarët e Komitetit për Komunitete diskutuan për gjendjen aktuale në komunitetin e tyre.
Anëtari i komitetit nga Sushica kërkoi rehabilitimin e infrastrukturës rrugore, zgjerimin e rrugës drejt shkollës në gjuhë shqipe dhe rindërtimin e fushës sportive. Gjithashtu, është kërkuar riparimi i një pjese të ndriçimit publik dhe rehabilitimi i një pjese të rrjetit të kanalizimeve në Kishnicë.
Në mbledhje mori pjesë edhe kryetari i KK të Graçanicës, Lubisha Karaxhiq, i cili theksoi se probleme të tilla ekzistojnë në disa vende dhe se problemet do të zgjidhen sipas dinamikës së përcaktuar. Ekziston plani për mbushjen dhe asfaltimin e rrugëve lokale dhe në çdo vend komuna ka në plan kryrjen e këtyre punimeve, tha Karaxhiq.
