Mbledhja e tretë e jashtëzakonshme e Komitetit për Politikë dhe Financa u mbajt në sallën e madhe të Shtëpisë së kulturës në Graçanicë.
Anëtarët e këtij organi të Kuvendit përcaktuan rendin e ditës për mbledhjen e tretë të jashtëzakonshme të Kuvendit Komunal të Graçanicës.
Në fillim, u miratua procesverbali nga mbledhja e tetë e rregullt.
U miratua propozimi për caktimin e normave tatimore për tatimin në pronën e paluajtshme si dhe propozimi për ndarjen e mjeteve financiare për zbatimin e projektit me qëllim të parandalimit dhe zbutjes së pasojave të shkaktuara nga koronavirusi.
Pastaj, u miratua propozimi për fillimin e hartimit të Planit Zhvillimor Komunal të Graçanicës, propozimi për hartimin e raportit të vlerësimit strategjik të ndikimit në mjedis për Hartën zonale dhe për Planin Zhvillimor Komunal të Graçanicës.
U miratua kërkesa e Dioqezës së Rashkës dhe Prizrenit për lirimin nga pagesa e taksës komunale për transaksionin e pronës, ndërsa për pikën “Të ndryshme” nuk kishte asnjë diskutim.
Të gjitha pikat do të diskutohen gjithashtu në mbledhjen e jashtëzakonshme të Kuvendit Komunal.
