Në sallën e Kuvendit Komunal të Graçanicës u mbajt mbledhja e dytë e rregullt e Komitetit për Politikë dhe Financa. Mbledhja u kryesua nga nënkryesuesi i Kuvendit Komunal të Graçanicës, Imri Ajeti.
Anëtarët e Komitetit për Politikë dhe Financa miratuan njëzëri procesverbalin nga mbledhja e parë e rregullt, e mbajtur më 24 janar 2019, pastaj edhe raportin e drejtoreshës së Drejtorisë së Arsimit dhe Kulturës, Brankica Niqiq, për përfundimin e gjysëmvjetorit të parë dhe fillimin e gjysëmsvjetorit të dytë shkollor.
Anëtarët e Komitetit gjithashtu miratuan propozimin që raporti vjetor financiar për vitin 2018 mbi punën e Drejtorisë së Urbanizmit, Planifikimit dhe Mbrojtjes së Mjedisit të gjendet para asamblistëve në mbledhje.
Njëzëri u miratua edhe propozim-vendimi për zgjatjen e vlefshmërisë së Rregullores dhe Programit të kartës sociale të strehimit për një periudhë trevjeçare, i propozuar nga drejtori i Drejtorisë së Urbanizmit, Planifikimit dhe Mbrojtjes së Mjedisit, Dejan Jovanoviq.
Anëtarët e Komitetit pranuan propozimet e kryetarit të komunës së Graçanicës, Srgjan Popoviq dhe atë për dhënien e subvencioneve si dhe për dhënien e pëlqimit për MTS D.O.O.
Raporti vjetor për punën e Zyrës për Komunitete dhe Kthim për vitin 2018 si dhe drafti i Planit Komunal të Efiçiencës së Energjisë (2019-2021) është pranuar, me propozim të drejtorit të Drejtorisë për Zhvillim Ekonomik dhe Integrime.
