Mbledhja u kryesua nga zëvendësja e kryesuesit të Kuvendit Komunal të Graçanicës, Brankica Kostiq, ku mori pjesë edhe nënkryetari Srgjan Petkoviq, përfaqësuesit e KFOR – it, përfaqësuesit e OSBE – së dhe përfaqësuesi i organizatës joqeveritare “Rinia Demokratike Serbe”.
Pas miratimit të procesverbalit nga mbledhja e parë e jashtëzakonshme, e mbajtur më 02.04.2014, këshilltarët diskutuan për shtatë pika të tjera të rendit të ditës.
Është miratuar raporti tremujor financiar dhe vendimi për dhënien në shfrytëzim të hapësirës afariste organizatave me interes të përgjithshëm. Është miratuar edhe propozim-vendimi për projektin lidhur me ndërtimin e monumentit prej bronzi të dedikuar Mbretit Milutin Nemanjiqit në Graçanicë, si dhe vendimi për zhvendosjen e monumentit „ Simonida“ dhe instalimit të kompleksit monumental “Mbreti Milutin” në oborrin e shkollës fillore “Mbreti Milutin” në Graçanicë.
Njëra nga temat e mbledhjes së sotme ishte edhe ndryshimi dhe plotësimi i tarifës për lëshimin e sipërfaqeve publike komunale që u miratua me vendimin nr. Gb 406 nga 11.12.2012. Është miratuar edhe vendimi për menaxhimin e përbashkët të kompleksit sportiv dhe fushave sportive në territorin e komunës së Graçanicës ndërmjet Komunës së Graçanicës dhe Federatës së Sportit të Graçanicës .
Pika e fundit e rendit të ditës ishte pika “të ndryshme”, ku është diskutuar për kërkesën lidhur me regjistrimin e kishës Graçanica e Vogël në librat kadastrale, të parashtruar nga ktitori Ratko Popoviq. Kërkesa për shlyerjen e boxhit ndaj Komunës së Graçanicës në një shumë prej 456 еuro është parashtruar nga Dobrosav Gjorgjeviq dhe do të shqyrtohet në mbledhjen e parë të rregullt. Komunës iu është dorëzuar një kërkesë për lëshimin e pëlqimit për shfrytëzimin dhe kërkimin e gurit në zonës kadastrale, në kuadër të zonës ekonomike (Vojslavica).
U mbajt mbledhja e dytë e jashtëzakonshme e Kuvendit Komunal të Graçanicës, në të cilën u miratua vendimi për zhvendosjen e monumentit „Simonida“ dhe instalimit të kompleksit monumental „Mbreti Milutin“ në oborrin e shkollës fillore „Mbreti Milutin“ në Graçanicë.
