Sot u mbajt mbledhja e dytë e jashtëzakonshme e Kuvendit të Komunës së Graçanicës. Në mbledhjen e kryesuar nga Millan Dimitrijeviq, u miratuan raportet vjetore të punës së disa drejtorive komunale, si dhe Raporti tremujor financiar për vitin 2026.
Këshilltarët e Kuvendit të Komunës së Graçanicës së pari miratuan procesverbalin e mbledhjes së parë të jashtëzakonshme, të mbajtur më 01.04.2026, ku pastaj ata miratuan propozimin e vendimit për fillimin e nismës për vendosjen e bashkëpunimit ndërkomunal. Më pas miratuar propozimin e vendimit për dhënien e autorizimit kryetarit të komunës për fillimin e konsultimeve dhe hartimin e Marrëveshjes për bashkëpunim ndërkomunal midis Komunës së Graçanicës dhe Komunës së Zubin Potokut.
Në mbledhje u diskutua dhe u miratua Raporti tremujor financiar për vitin 2026, i cili u prezantua para këshilltarëve nga drejtori i Drejtorisë së Buxhetit dhe Financave, Sllavisha Niçiq. Ai tha në mbledhje se për tre muajt për të cilët referohet raporti, janë shpenzuar 2,182,777.14 euro ose 17.34% e buxhetit të përgjithshëm ose 32.34% e mjeteve të alokuara për tre muajt. Sipas Niçiqit, të hyrat vetanake janë gjeneruar në një shumë prej 428,113.16 euro ose 15.10% e të hyrave vetanake të planifikuara për vitin 2026.
Drejtoresha e Drejtorisë Komunale të Planifikimit, Urbanizmit dhe Mbrojtjes së Mjedisit, Alleksandra Gjekiq, paraqiti para këshilltarëve Raportin vjetor të punës së Drejorisë për periudhën 01.01.2025 – 31.12.2025, i cili u miratua pas sqarimit të pyetjeve të këshilltarëve.
Në raportin për periudhën e lartpërmendur thuhet se në librin e protokollit të shkurtuar janë regjistruar 864 lëndë, Shërbimi i Lejeve Ndërtimore ka dhënë përgjigje ndaj 749 kërkesave të përpunuara, Shërbimi i Lejeve Ndërtimore ka realizuar të hyra në një shumë prej 746,235.56 euro, ndërsa janë përpunuar gjithsej 84 lëndë në procesin e legalizimit. Drejtoria e Planifikimit, Urbanizmit dhe Mbrojtjes së Mjedisit ka lëshuar 41 leje mjedisore,ndërsa Shërbimi i Banimit gjithashtu ka punuar në mënyrë aktive dhe ka dale në terren.
Pasi drejtoresha Gjekiq renditi projektet më të rëndësishme kapitale për periudhën në fjalë, raporti u miratua nga këshilltarët e Kuvendi i Komunës së Graçanicës.
Pas raportit të Drejtorisë së Panifikimit, Urbanizmit dhe Mbrojtjes së Mjedisit, u diskutua dhe u miratua Raporti vjetor i punës së Drejtorisë së Shërbimeve Publike dhe Situatave Emergjente për vitin 2025. Kryesuesi i Kuvendit të Komunës së Graçanicës, Millan Dimitrijeviq, i informoi këshilltarët se Marko Arsiq është emëruar si drejtor i Drejtorisë së Shërbimeve Publike dhe Situatave Emergjente, ku më pas raporti mbi punën e drejtorisë iu prezantua këshilltarëve nga VlladicaTrajkoviq, një nga drejtorët e mëparshëm të kësaj drejtorie, i cili aktualisht është drejtor i Drejtorisë së Administratës dhe Çështjeve të Personelit.
Pas prezantimit të raportit, ai iu përgjigj pyetjeve të shumta të këshilltarëve komunalë lidhur me sfidat komunale me të cilat përballet popullsia, pas së cilës u miratua raporti i kësaj drejtorie komunale.
Pastaj është shqyrtuar dhe miratuar raporti vjetor i punës së Drejtorisë së Bujqësisë dhe Pylltarisë për periudhën 01.01.2025 – 31.12.2025, i cili u prezantua këshilltarëve nga drejtori Bogiq Gjuroviq, i cili më pas i përcolli informacionet e kësaj drejtorie për ndarjen e subvencioneve në fushën e bujqësisë për vitin 2025.
Në mbledhjen e dytë të jashtëzakonshme të Kuvendit të Komunës së Graçanicës, u miratua propozimi i vendimit për lirimin e Shoqërisë së gjuetarëve “Graçanica” nga pagesa e qirasë për shfrytëzimin e vendgjuetisë për një periudhë prej 12 muajsh.
Mbledhjes së dytë të jashtëzakonshme të Kuvendit të Komunës së Graçanicës i parapriu mbledhja e dytë e jashtëzakonshme e Komitetit për Politikë dhe Financa.
