Në objektin e Komunës së Graçanicës u mbajt sot mbledhja e dytë e jashtëzakonshme e Kuvendit të Komunës së Graçanicës.
Mbledhjen e udhëhoqi kryesuesi i Kuvendit, Millan Dimitrijeviq, i cili së pari i njoftoi asamblistët e pranishëm me rendin e planifikuar, të konfirmuar më parë në mbledhjen e dytë të jashtëzakonshme të Komitetit për Politikë dhe Financa.
Asamblistët e miratuan procesverbalin nga mbledhja e shtatë e rregullt e mbajtur në fund të korrikut të këtij viti, ku më pas drejtori i Buxhetit dhe Financave, Sllavisha Niçiq, asamblistëve u kishte dhënë informacione për Qarkoren buxhetore 2025-2027 dhe më pas theksoi se buxheti për vitin e ardhshëm duhet të miratohet deri në fund të shtatorit.
Është diskutuar dhe miratuar vendimi i propozuar për ndryshimin e parcelës kadastrale nr.9851/1 ZK Llapllasellë, me propozim të kryesuesit Millan Dimitrijeviq.
Njëzëri është miratuar propozimi për fillimin e përgatitjes së Planit lokal të veprimit në mjedis të Komunës së Graçanicës për periudhën 2024-2029, me propozim të drejtoreshës së Drejtorisë për Planifikim, Urbanizëm dhe Mbrojtjen e Mjedisit, Alleksandra Gjekiq. Siç theksoi ajo, ky plan duhet t’i identifikojë problemet kryesore mjedisore në komunën tonë, si dhe synimet dhe strategjitë për reduktimin e ndikimit negativ në mjedis. Asamblistët theksuan se zgjidhja e problemit të mbeturinave dhe lumit Graçanka është prioritet.
Raportin vjetor të punës për vitin 2023 të Drejtorisë për Rini dhe Sport e prezantoi drejtori Dushan Cvejiq, i cili theksoi se drejtoria edhe pse nuk ka buxhet, ka arritur të organizojë aktivitete të shumta dhe t’i mbështesë shkollat, shoqatat sportive dhe klubet.
“Ne iu përgjigjëm pozitivisht mbi 60 kërkesave për transport të shkollave dhe ekipeve sportive në ngjarje të shumta sportive. Në bashkëpunim me drejtoritë e tjera arritëm t’i restaurojmë dhe ndërtojmë fushta e reja sportive, kemi qenë organizatorë të turneve të shumtë, si konkurrues ashtu edhe humanitar. Ne u dhuruam pajisje sportive shkollave dhe organizatave sportive dhe fëmijët tanë ishin pjesë e shumë kampeve. Bashkëpunimi më i mirë është arritur me Institutin Krahinor për Sport dhe Mjekësi Sportive dhe kemi bërë analiza me ta. Kishte shumë sfida dhe ne i zgjidhëm me sukses shumicën e tyre”, tha Cvejiq.
Asamblistët, duke vlerësuar punën e Drejtorisë për Rini dhe Sport dhe drejtorin Dushan Cvejiq, njëzëri miratuan Raportin e punës së vitit të kaluar.
Nuk ka pasur diskutim për pikën “Të ndryshme”, pas së cilës ka përfunduar mbledhja e dytë e jashtëzakonshme e Kuvendit.
