Anëtarët e Komitetit për Komunitete miratuan së pari procesverbalin e mbledhjes së dytë të rregullt të mbajtur më 8 maj, ku pastaj disa anëtarë dhe përfaqësues të Zyrës për Komunitete të Komunës së Graçanicës i paraqitën konkluzionët e tyre lidhur me punën dhe nevojat e komuniteteve pakicë.
Edi Ibraimi nga Zyra komunale për Kthim dhe Komunitete informoi anëtarët e Komitetit që komuniteti rom në Graçanicë e ka shkruar peticionin dhe e ka përpiluar draft – kërkesën për zgjerimin e varrezave rome në Graçanicë dhe kërkoi nga komiteti që t’i përgjigjet pozitivisht kësaj lutjeje në një nga mbledhjet e tij të ardhshme.
Elvira Kastrati Hoxha, shefja e Zyrës për Komunitete dhe Kthim, para anëtarëve prezantoi një pasqyrë të shkurtër të aktiviteteve të këtij shërbimi, ndërsa përfaqësuesi i komunitetit rom nga Llapnasella edhe një herë kërkoi ndihmë nga Komuna e Graçanicës lidhur me procesin e legalizimit të shtëpive në mëhallën e romëve në Llapnasellë.
Përfaqësuesi i OSBE-së shprehën kundërshtime në lidhje me mungesën e disa anëtarëve të komitetit në mbledhjet e mëparshme, por edhe në takimin e sotëm dhe i rikujtoi anëtarët e komitetit që ekziston mundësia ligjore që anëtari i komitetit, i cili nuk marrë pjesë në tri seanca rresht, të zëvendësohet me një anëtar të ri të të njëjtit komunitet.
Anëtarja e komitetit Mirjana Zhiviq kërkoi në mbledhjen e sotme nga kryesuesi i këtij komiteti që t’ia përcjell kërkesën e anëtarëve nënkryetarit për çështjet e komuniteteve, Sebastijan Sherifoviq, i cili sot nuk mori pjesë në mbledhje, që ta parashtrojë në një nga mbledhjet e ardhshme të Komitetit raportin e tij të punës.
Mbledhja e jashtëzakonshme e Komitetit për Komunitete të Komunës së Graçanicës u mbajt sot. Anëtarët e komiteti i paraqitën problemet e komuniteteve të tyre.
