Të dy pikat e rendit të ditës janë shpjeguar para këshilltarëve të pranishëm nga drejtori i Buxhetit dhe Financave, Slavisha Niçiq. Ai me këtë rast theksoi pozitat të cilat duhet të përfshihen me rishikimin e buxhetit dhe ato janë: për paga dhe mëditje në Kabinetin e kryetarit (për shkak të emërimit të nënkryetarit të ri), pastaj në Auditimin e brendshëm dhe në Departamentin e Inspekcionit. Rishikimi i buxhetit do të përfshijë edhe investimet kapitale që nuk janë realizuar plotësisht.
Komiteti është njoftuar edhe me raportin gjashtëmujor financiar, ku në bazë të tij, nga buxheti i përgjithshëm i Komunës së Graçanicës, i cili kap shumën prej 6.260.629 euro, janë shpenzuar 1.829.463 euro apo 29,22%.
Në mbledhjen e sotme të Komitetit për Politikë dhe Financa është shqyrtuar edhe propozimi për anullimin e vendimit për ndarjen e hapësirës afariste për RTK2 (në objektin ku është vendosur Radio Graçanica). Vendimi i tillë është marrë për shkak të nevojës së Komunës së Graçanicës për një hapësirë afariste me qëllim të hapjes së qendrës mediale.
Këshilltarët kanë diskutuar edhe për rregulloren në bazë të cilës do të rregullohen shpenzimet për udhëtimet zyrtare dhe pagesën e mëditjeve.
Në të njëjtën mbledhje është shqyrtuar edhe propozim-vendimi për ndarjen e tokës për të ndërtuar kopshtin për fëmijë parashkollor, pastaj propozim-vendimi për dhënien e tokës komunale në një përdorim afatgjatë për të ndërtuar një shtëpi për familjen e kthyer Trajkoviq, si dhe për shpalljen e zonës me interes të përgjithshëm në parcelat nr. 801 dhe 803 në zonën kadastrale Sushicë.
Pika e fundit të rendit të ditës ishte vendimi për caktimin e anëtarëve të komisionit të aksionarëve të ndërmarrjeve komunale.
Të gjitha pikat e rendit të ditës janë miratuar nga këshilltarët e pranishëm, si të tilla do të jenë pjesë e rendit të ditës së mbledhjes së sotme të katërt të jashtëzakonshme të Kuvendit Komunal të Graçanicës.
Në sallën e Kuvendit Komunal të Graçanicës u mbajt mbledhja e katërt e jashtëzakonshme e Komitetit për Politikë dhe Financa, ku ndër të tjerash, është shqyrtuar kërkesa për rishikimin e buxhetit për vitin 2014 dhe raporti gjashtëmujor financiar.
