Në sallën e KK të Graçanicës u mbajt mbledhja e dytë e rregullt e Kuvendit Komunal të Graçanicës. Kryesuesi i Kuvendit, Millan Dimitrijeviq, i ftoi asamblistët që fillimisht ta miratojnë rendin e ditës, të gjitha pikat e së cilit u miratuan njëzëri pas diskutimit.
Së pari, asamblistët e KK të Graçanicës e miratuan procesverbalin nga mbledhja e parë e rregullt, e mbajtur më 30 janar 2023, ku pastaj drejtori i Drejtorisë së Buxhetit dhe Financave, Sllavisha Niçiq, ua prezantoi asamblistëve Raportin vjetor financiar për vitin 2022. Pas pyetjeve të asamblistëve, raporti u miratua njëzëri.
Informatat për përfundimin e gjysmëvjetorit të parë dhe fillimin e gjysmëvjetorit të dytë 2022-2023, para asamblistëve u paraqit nga drejtoresha e Drejtorisë së Arsimit dhe Kulturës, Brankica Niqiq, e cila më pas e prezantoi edhe Raportin vjetor të Drejtorisë së Arsimit dhe Kulturës për vitin 2022. Edhe ky raport u miratua njëzëri.
Drejtori i Drejtorisë së Zhvillimit Ekonomik dhe Integrimeve, Nebojsha Millovanoviq, ua prezantoi asamblistëve të KK të Graçanicës Raportin vjetor të punës së Drejtorisë së Zhvillimit Ekonomik dhe Integrimeve, të cilin asamblistët e mbështetën njëzëri pas diskutimit.
Në mbledhjen e dytë të rregullt të KK të Graçanicës u diskutua dhe u miratuar Raporti vjetor i punës së Zyrës për Komunitete dhe Kthim për vitin 2022, me propozim të shefes së Zyrës për Komunitete dhe Kthim, Ellvira Kesasi.
Paraprakisht u mbajt mbledhja e dytë e rregullt e Komitetit për Politikë dhe Financa, ku është rënë dakord për rendin e ditës.
