Mbledhja e dytë e jashtëzakonshme e Komitetit për Komunitete u mbajt sot në sallën e Kuvendit Komunal të Graçanicës.
Kryesuesi Milaim Eminoviq i njoftoi anëtarët e Komitetit me rendin e ditës, i cili u miratua njëzëri.
Pastaj u miratua procesverbali nga mbledhja e nëntë e rregullt, e mbajtur me 6 nëntor të këtij viti.
Kryesuesi dhe anëtarët e këtij trupi të Kuvendit Komunal të Graçanicës kanë kërkuar nga organizata joqeveritare rome raportin për mjetet e shpenzuara në një shumë prej 4.000 euro, të dedikuara për ngjarjet kulturore dhe sportive të komunitetit rom.
Përfaqësuesi i komunitetit shqiptar nga Kishnica, Fehmi Arifi, kërkoi rindërtimin e dy vendndalimeve të autobusëve në këtë vend.
Është shqyrtuar dhe miratuar raporti i punës për aktivitetet e Komitetit për Komunitete për periudhën janar-nëntor të vitit 2019.
Pastaj, u formua grupi punues pesëanëtarësh për hartimin e Planit të punës së Komitetit për vitin 2020, i përbërë nga një përfaqësues nga secili komunitet.
