Në sallën e Kuvendit Komunal të Graçanicës u mbajt mbledhja e dytë e rregullt e Komitetit për Komunitete. Anëtarët diskutuan për sfidat dhe nevojat e komuniteteve që ata i përfaqësojnë.
Mbledhja e dytë e rregullt u kryesua nga Milaim Eminoviq, i cili në fillim i njoftoi të pranishmit me rendin e ditës. Pastaj, u miratua procesverbali nga mbledhja e parë e rregullt, pas së cilës u hap diskutimi për sfidat me të cilat përballen komunitetet në territorin e komunës së Graçanicës.
U theksuan nevojat e përgjithshme të popullatës, të cilat kryesisht kanë të bëjnë me përmirësimin e jetës së përditshme, ndërsa romët theksuan problemin e qasjes në varreza në fshatin Preoc për shkak të faktit se edhe pas thirrjeve dhe përpjekjeve të shumta, problemi i asfaltimit të rrugës që të çonë të varrezat nuk u zgjidh.
Anëtarët e komitetit mbështetën propozimin që të zëvendësohet anëtari aktual i komitetit nga komuniteti ashkali që nuk merr pjesë në mbledhjet e komitetit me Florim Bajramin nga ky komunitet. Propozimi për zëvendësimin e anëtarit të komitetit do t’i përcillet Kuvendit komunal për shqyrtim dhe miratim.
