Mbledhja e parë e rregullt e Komitetit për Politikë dhe Financa u mbajt sot në sallën e Kuvendit Komunal të Graçanicës.
Në mbledhje është përcaktuar rendi i ditës për mbledhjen e parë të rregullt të Kuvendit Komunal të Graçanicës, e cila do të fillojë në orën 10.
Procesverbali nga mbledhja e katërt e jashtëzakonshme, e mbajtur më 18 dhjetor 2018, u miratua.
vesti
Është shqyrtuar dhe miratuar Raporti vjetor i punës së drejtorive të Komunës së Graçanicës për vitin 2018, me propozim të kryetarit të komunës së Graçanicës, Srgjan Popoviq.
U miratua edhe Rregullorja për transparencën e Komunës së Graçanicës, pas kësaj edhe Plani i veprimit për transparencën e Komunës së Graçanicës 2019-2022.
Me propozim të kryesuesit të Kuvendit Komunal të Graçanicës, Ljubisha Karaxhiq, u miratua Rregullorja e punës nr.01/19/KG për ndryshimin e Rregullores së punës së Kuvendit Komunal të Graçanicës nr.1502/16 nga 14.03.2016 dhe nr.2189/18 nga 16.03.2018.
Pastaj me radhë janë miratuar: Raporti vjetor i punës për vitin 2018 të Komitetit për Politikë dhe Financa, Kuvendit Komunal të Graçanicës dhe Komitetit për Komunitete.
Në mbledhejn e rregullt të KK të Graçanicës do të diskutohet edhe për propozimin për ndryshimin e Rregullores nr.03/18/KG për kushtet e përgjithshme për parcelim, rregullat dhe procedurat për ndërtimin e objekteve dhe lëshimin e kushteve ndërtimore për ndërtesa nën kompetencën e komunës, si dhe për kërkesën e Dioqezës së Rashkës dhe Prizrenit për lirimin nga pagesa e tatimit mbi transferimin e të drejtave absolute në pesë parcela.
