Kuvendi Komunal i Graçanicës mbajti sot mbledhjen e pestë të rregullt. Të gjitha pikat e propozuara të rendit të ditës janë miratuar njëzëri pas diskutimit.
Sot, asamblistët e Kuvendit Komunal të Graçanicës miratuan buxhetin e Komunës së Graçanicës për periudhën 2022-2024 në mbledhjen e pestë të rregullt pas miratimit të procesverbalit nga mbledhja e mëparshme, me propozimin e drejtorit të Drejtorisë së Buxhetit dhe Financave, Sllavisha Niçiq, i cili u paraqiti asamblistëve detajisht nga buxheti.
Pastaj, kërkesa për transferimin e mjeteve për projektet kapitale u miratua njëzëri, me propozimin e drejtorit të Drejtorisë së Buxhetit dhe Financave, Sllavisha Niçiq.
Auditorja e brendshme e Komunës së Graçanicës, Zorica Gjorgjeviq, u paraqiti asamblistëve raportin e auditimit për pasqyrat financiare të Komunës së Graçanicës për vitin 2020 dhe më pas edhe Planin e veprimit për eliminimin e mangësive dhe zbatimin e rekomandimeve të dhëna në Raportin e Auditorit për pasqyrat financiare të Komunës së Graçanicës për vitin 2020.
Në mbledhjen e sotme, asamblistët e Kuvendit Komunal të Graçanicës njëzëri zgjodhën edhe dy anëtarë të tjerë të Komisionit Komunal të Aksionarëve të Ndërmarrjes publike – komunale “Ekologjia” Sh.a. Graçanicë, asamblistët Goran Millenkoviq dhe Radovan Filliq, ku pastaj ata njëzëri vendosën ta mbështesin propozimin e vendimit për zgjatjen e kontratës për ofrimin e shërbimeve për një periudhë prej 12 muajsh, me propozimin e kryetarit të Komunës së Graçanicës, Srgjan Popoviq.
Para mbledhjes së Kuvendit, u mbajt Komiteti për Politikë dhe Financa, i cili u pajtua dhe e pranoi rendin e ditës për mbledhjen e sotme.
