Mbledhja e katërt e jashtëzakonshme e Kuvendit Komunal të Graçanicës, e kryesuar nga Ljubisha Karaxhiq, u mbajt sot në sallën e Kuvendit. Vendimet e propozuara u miratuan njëzëri.
Asamblistët e Kuvendit Komunal të Graçanicës miratuan së pari procesverbalin nga mbledhja e dhjetë e rregullt, e cila u mbajt më 29.11.2018, ku pastaj edhe propozimi i vendimit për ndarjen e subvencioneve të organizatave joqeveritare pas zbatimit të procedurës ligjore me qëllim të organizimit të festave të ardhshme të Vitit të Ri. Në emër të kryetarit të komunës së Graçanicës, Srgjan Popoviq, juristi Alleksandar Todoroviq e shpjegoi propozimin.
“Në thirrjen publike për organizatat joqeveritare, me qëllim të organizimit të festive të ardhshme të Vitit të Ri dhe Krishtlindjeve, që përfshin edhe dekorimin për Vitin e Ri, kanë aplikuar dy organizata joqeveritare. Pasi që të dyja i kanë përmbushur kushtet formale të thirrjes, Komisioni vendosi që për të dyja organizata të ndajë fonde për këtë qëllim”, tha Todoroviq.
Asamblistët e Kuvendit Komunal të Graçanicës gjithashtu njëzëri miratuan propozim vendimin për përcaktimin e destinimit të parcelës për zgjerimin e varrezave në Sushicë, me propozim të drejtorit të Drejtorisë për Planifikim, Urbanizmë dhe Mbrojtjen e Mjedisit, Dejan Jovanoviq. Propozim vendimi u ishte shpjeguar asamblistëve nga juristi i Drejtorisë komunale të Urbanizmit, Bojan Stojanoviq.
“Bëhet fjalë për parcelën, e cila është në pronësi të Komunës së Graçanicës dhe gjendet pranë varrezave ekzistuese, kështu që nuk ka asnjë pengesë ligjore që kjo parcelë të destinohet për zgjerimin e varrezave”, tha Stojanoviq.
Asamblisti Radovan Filliq e lavdëroi Administratën komunale e cila brenda afatit rekord e zgjidhi problemin e zgjerimit të varrezave në Sushicë.
Kryesuesi i Kuvenidt, Ljubisha Karaxhiq, shpreson se Komuna e Graçanicës do të punojë edhe në vitin e ardhshëm në zgjidhjen e kësaj çështjeje në vendet e tjera në territorin e komunës, të cilat përballen me problemin e zgjerimit të varrezave të fshatit.
