Kuvendi Komunal i Graçanicës mbajti sot mbledhjen e dytë të rregullt, në të cilën asamblistët, ndër të tjera, miratuan edhe raportin vjetor financiar për vitin e kaluar.
Pasi që kryesuesi Ljubisha Karaxhiq i njoftoi asamblistët me rendin e ditës, u miratua procesverbali nga mbledhja e parë e rregullt.
Asamblistët pastaj miratuan raportin vjetor financiar për vitin 2019, si dhe propozimin për rritjen e buxhetit nga të hyrat vetanake, me propozim të drejtorit të Financave, Sllavisha Niçiq.
Në mbledhje u miratua raporti vjetor i punës së Zyrës për Komunitete dhe Kthime për vitin 2019, ku pastaj me propozimin e kryesuesit të Kuvendit Komunal, Ljubisha Karaxhiq, është shfuqizuar vendimi për ndalimin e ndërrimit të destinimit të tokës bujqësore në tokë ndërtimore jashtë zonës së lejuar për ndërtim dhe vendimi për ndërrimin e destinimit të tokës bujqësore në tokë ndërtimore në disa parcela.
Drejtoresha e Arsimit, Brankica Niqiq, i informoi asamblistët për përfundimin e gjysëmvjetorit të parë dhe fillimin e gjysëmvjetorit të dytë, përkatësisht për përkrahjen e ofruar nga pushteti lokal për institucionet arsimore.
Me propozimin e drejtorit Niçiq u mor vendimi për fillimin e procedurës së shpronësimit të tokës për ndërtimin e kopshtit të ri për fëmijët në Graçanicë, në të cilin, pas ndërtimit, IP “Gjurgjevak” do të zhvendoset.
