Për shkak të nevojës së respektimit të masave që synojnë parandalimin e koronavirusit, mbledhja e tretë e jashtëzakonshme e Kuvendit Komunal të Graçanicës u mbajt sot në sallën e madhe të Shtëpisë së kulturës. Ndër të tjera, u miratua propozimi për ndarjen e mjeteve financiare për zbatimin e projekteve që synojnë parandalimin dhe zbutjen e pasojave të shkaktuara nga virusi Covid-19.
Mbledhja u kryesua nga kryesuesi, Ljubisha Karaxhiq, i cili fillimisht i njoftoi asamblistët me rendin e ditës dhe më pas u miratua procesverbali nga mbledhja e tetë e rregullt, e mbajtur në fillim të nëntorit.
Me propozim të drejtorit për Buxhet dhe Financa, Sllavisha Niçiq, u miratua propozimi për caktimin e normave tatimore për tatimin në pronën e paluajtshme vitin 2021.
“Dallimi i vetëm në këtë propozim krahas normave aktuale është se ka ardhur deri te rritja e normave tatimore për objektet komerciale-industriale dhe tokën. Deri më tani, për objektet komerciale ato ishin 0.21%, ndërsa tani për objektet komerciale është rritur në 0.28, për objektet industriale 0.17 dhe tani është rritur në 0.24, që do të thotë se ato janë rritur për 0.07 përqind, ndërsa për tokën norma tatimore është rritur vetëm për 0 0,02 përqind”, tha Niçiq.
Me propozim të kryetarit të komunës së Graçanicës, Srgjan Popoviq, janë ndarë mjetet financiare për zbatimin e projekteve që synojnë parandalimin dhe zbutjen e pasojave të shkaktuara nga koronavirusi.
“Në Thirrjen publike të publikuar, u paraqitën 14 propozime, 13 prej të cilave plotësonin kushtin, ndërsa dokumentacioni i një organizate ishte i paplotë dhe u kërkua plotësimi. Pas ndryshimit, komisioni vendosi t’i miratojë mjetet financiare për të gjitha organizatat”, shpjegoi anëtari i Komisionit, Zorica Milliq.
Mbledhja vazhdoi me një diskutim mbi propozimet e dorëzuara nga drejtoresha e Urbanizmit, Mirjana Stanojeviq, që kishin të bëjnë me fillimin e hartimit të Planit Zhvillimor të Komunës së Graçanicës dhe përgatitjes së raportit për vlerësimin strategjik të ndikimit në mjedis për Hartën zonale dhe Planin Zhvillimor.
Në mbledhje u miratua edhe kërkesa e Dioqezës së Rashkës dhe Prizrenit për lirimin nga pagesa e taksës komunale për transaksionin e pronës.
