Këshilltarët e Kuvendit të Komunës së Graçanicës mbajtën sot mbledhjen e jashtëzakonshme. Mbledhjen e kryesoi Millan Dimitrijeviq.
Në fillim të mbledhjes u miratua procesverbali i mbledhjes së katërt të rregullt të Kuvendit të komunës, të mbajtur më 26 gusht 2026, pas së cilës këshilltarët e Kuvendit të Komunës së Graçanicës me dy vota kundër miratuan projekt-buxhetin e Komunës së Graçanicës për periudhën 2027-2029, i cili u prezantua në mbledhje nga drejtori i Drejtorisë së Buxhetit dhe Financave, Sllavisha Niçiq. Ai kujtoi se buxheti i planifikuar për vitin 2027 është 13 milionë e 150 mijë euro, ndërsa rreth pesë milionë euro janë ndarë për investime kapitale.
Në rendin e ditës të Kuvendit të Komunës së Graçanicë sot ishte shqyrtimi dhe miratimi i propozimit të Vendimit për shpalljen e parcelës nr. 1438-0 ZK Graçanicë me interes publik, me qëllim të këmbimit me pronën e paluajtshme të komunës, me propozimin e kryetarit të Komunës së Graçanicës, Novak Zhiviq.
Drejtoresha e Drejtorisë Komunale për Urbanizëm dhe Planifikim Hapësinor, Alleksandra Gjekiq, duke shpjeguar vendimin e propozuar, tha se këmbimi i parcelave do të kryhet në një raport proporcional të vlerave të tyre dhe duke u bazuar në vlerësimin e bërë nga Ministria e Financave, përkatësisht komisioni që do të formohet nga kjo ministri, siç tha ajo, është bërë deri më tani sa i përket këmbimit të tokave ose shpronësimit.
“Këmbimi i pronës së paluajtshme kryhet me qëllim të arritjes së interesit publik, përkatësisht zgjerimit të kapaciteteve të administratës komunale në ndërtesën që ka filluar dhe e cila është në fazën e ndërtimit gri prej rreth 1090 metrash katrorë në një truall në qendër të Graçanicës. Pas hyrjes në fuqi të këtij vendimi, Komuna e Graçanicës do ta dërgojë vendimin në zyrën kompetente për vlerësimin e pronës së paluajtshme brenda Departamentit të Tatimit në Pronë në Ministrinë e Financave me qëllim të marrjes së një vlerësimi. Prandaj, parcelat në fjalë janë pjesë e këtyre tre parcelave të ofruara që komuna ka në dispozicion dhe për të cilat pronari i truallit në Graçanicë ka bërë një propozim. Pas vendimit të komisionit të vlerësimit të Ministrisë së Financave, Komuna e Graçanicës do të vendosë në interesin e saj nëse është dakord me një vlerësim të caktuar apo do të vazhdojë me procedura të caktuara që janë në interes të komunës dhe qytetarëve të saj”, tha drejtoresha Gjekiq në mbledhjen e Kuvendit të Komunës së Graçanicës. Propozimi i këshilltares së Aleancës Shqiptare, Aida Qerkini dhe këshilltarit të Partisë për Liri, Drejtësi dhe Mbijetesë, Nikolla Rashiq, për tërheqjen e kësaj pike të rendit të ditës nga mbledhja e sotme u refuzua nga shumica e këshilltarëve.
Këshilltarja Qerkini e justifikoi propozimin e saj me nevojën e ndërtimit të parkut për fëmijë për nevojat e fëmijëve dhe të rinjve në Çagllavicë në parcelën në Çagllavicë, e cila është objekt i këmbimit, në lidhje me të cilën ajo më parë i ka dërguar një kërkesë Komunës së Graçanicës. Qerkini, në emër të Aliancës Shqiptare, tha se nuk ka kundërshtime për dy parcelat komunale në Livagjë që janë objekt të këmbimit.
Me 12 vota pro dhe 6 kundër, këshilltarët më pas miratuan propozimin e Vendimit për shpalljen e parcelës nr. 1438-0 ZK Graçanicë me interes publik. Në mbledhje u diskutua dhe u miratua propozimi i Vendimit për themelimin e Komisionit të Kuvendit të komunës për zgjedhjen e Këshillave lokale, me propozimin e kryesuesit të Kuvendit të Komunës së Graçanicës, Millan Dimitrijeviq, ndërsa informacioni për fillimin e vitit shkollor u prezantua nga drejtoresha e Drejtorisë së Arsimit dhe Kulturës, Brankica Niqiq.
Ajo i informoi këshilltarët dhe publikun se mësimi në të gjitha shkollat fillore dhe të mesme në territorin e Komunës së Graçanicës ka filluar me kohë dhe se po zhvillohet në përputhje me planin dhe programin e përcaktuar në të gjitha shkollat ku nxënësit ndjekin mësimet në të dyja gjuhët serbe dhe shqipe.
