Në mbledhjen e sotme, asamblistët e Kuvendit të Komunës së Graçanicës, ndër të tjera, kanë miratuar ndryshimet e Statutit të NKP-së “Ekologjia”, disa raporte vjetore, si dhe Nismën për bashkëpunim ndërkomunal.
Mbledhja e tretë e rregullt e Kuvendit të Komunës së Graçanicës filloi me miratimin e rendit të plotësuar të ditës, ku pastaj u miratua procesverbali nga mbledhja e mbajtur në fillim të marsit të këtij viti.
Asamblistët shfuqizuan Vendimin nr. 358/23 për përcaktimin e destinimit të parcelës për ndërtimin e Qendrës për komunitete në Suhadoll. Sipas shpjegimit të drejtoreshës së Urbanizmit, Alleksandra Gjekiq, vendimi nuk është në përputhje me Planin zhvillimor komunal dhe se në atë vend janë planifikuar vetëm objektet për banimin social, pa Qendrën për komunitete.
Asamblistët me 14 vota “Pro” dhe katër “Abstenim” e miratuan propozimin për ndryshimin e Statutit të NKP “Ekologjia” Sh.A. të propozuar nga Komisioni i Aksionarëve, i cili u sqaruar nga anëtari Sasha Daniq. Sipas tij, ndryshimet kryesore, ndër të tjera, i referohen zgjedhjes së Bordit të drejtorëve, punës së Bordit të drejtorëve, e të tjera.
Asamblistëve iu prezantuan raportet vjetore për vitin 2022 dhe atë ai i Drejtorisë së Kadastrës, i cili u shpjegua nga drejtori Nikolla Marinkoviq, si dhe ai i Drejtorisë së Shëndetësisë dhe Mirëqenies Sociale, i shpjeguar nga drejtori Alleksandar Popoviq.
Marinkoviq theksoi se Drejtoria e Kadastrës ka arritur t’i zgjidhë problemet e akumuluara, siç janë kërkesat e shumta të pazgjidhura.
“I kemi transferuar disa punëtorë nga drejtoritë tjera, kemi punësuar juristë në bazë të kontratave të punës, dhe tani është fakt që për herë të parë që nga formimi i komunës e kemi mbyllur vitin paraprak dhe tani jemi duke i proceduar vetëm lëndët e rregullta nga ky vit. Proceset e shpronësimit dhe legalizimit kanë përfunduar, fletat poseduese dhe kopjet e planeve lëshohen në të njëjtën ditë dhe tani është e mundur të qaseni në to online”, tha Marinkoviq.
Drejtori i Shëndetësisë, Alleksandar Popoviq, duke folur për punën e kësaj drejtorie, tha se fokusi më i madh, për shkak të situatës aktuale me COVID-19, ka qenë në dezinfektimin dhe dezinfektimin e institucioneve publike, në radhë të parë shëndetësore.
“Në gjysmën e dytë të vitit paraprak e kemi rikonstruktuar Covid-spitalin në Llapllasellë dhe kemi vazhduar me furnizimin e vazhdueshëm me material shpenzues dhe dhurimin e pajisjeve sipas nevojave dhe kërkesave të institucioneve shëndetësore dhe kemi siguruar tre aparate ekografike, pajisje për mjekësinë fizikale, karrige dentare për Shtëpinë e shëndetit në Gushtericën e Poshtme. Në të njëjtën kohë kemi punuar në promovimin e shëndetit”, tha Popoviq.
Me propozim të kryesuesit, Millan Dimitrijeviq, janë miratuar raportet vjetore të punës së Komitetit për Politikë dhe Financa, si dhe të Kuvendit Komunal të Graçanicës.
Me propozim të kryetares së Komunës së Graçanicës, prof. dr. Ljiljana Shubariq, është miratuar edhe propozimi i Nismës për bashkëpunim ndërkomunal, të cilin e ka shpjeguar nënkryetari për Komunitete Leutrim Ajeti. Sipas tij, Nisma është iniciuar nga Komuna e Prishtinës dhe vlen për të gjitha komunat kufitare, përfshirë edhe Komunën e Graçanicës.
“I referohet zgjidhjes së problemeve sociale, pastaj problemeve në fushën e shërbimit publik, sportit, kulturës, arsimit, shëndetësisë dhe bujqësisë. Prioriteti më i lartë do të jetë zgjidhja e problemeve mjedisore, siç është ndotja e lumit Graçanka, çështja e qenve endacak, transporti dhe kujdesi parësor shëndetësor”, tha Ajeti.
Në pikën “Të ndryshme”, u fol për mundësinë e dhënies së ndihmës njëhershme financiare, ndërsa kryesuesi Millan Dimitrijeviq iu përgjigj pyetjeve të asamblistëve nga mbledhja e kaluar.
