Kuvendi Komunal i Graçanicës mbajti sot mbledhjen e parë të jashtëzakonshme. Me një shkëmbim konstruktiv të mendimeve dhe diskutim për rendin e ditës, një pikë nuk u miratua, por u shty për mbledhjen e ardhshme të Kuvendit Komunal të Graçanicës me spropozim të asamblistes Snezhana Jovanoviq.
Asamblistët e KK të Graçanicës miratuan procesverbalin nga mbledhja e parë e rregullt, embajtur më 25 shkurt 2021, pas së cilës drejtori i Drejtorisë Komomuna të Financave, Sllavisha Niçiq, paraqiti rritjen e buxhetit nga të hyrat vetanake për vitin 2020, e cila unanimisht u mbështet nga asamblistët.
Duke prezantuar raportin për punën e Drejtorisë së Kadastrës para asamblistëve, drejtori Nebojsha Periq prezantoi shërbimet që kjo drejtori u ofroi qytetarëve gjatë vitit paraprak dhe theksoi numrin e lëndëve që ishin proceduar për vitin paraprak. Drejtori u bëri thirrje të gjithë banorëve të komunës që të fillojnë legalizimin. Banorët mund të paraqesin kërkesë për legalizim sipas procedurave të shkurtuara dhe tarifave të ulura deri më 2 shtator të këtij viti.
Asamblistët e KK të Graçanicës njëzëri miratuan raportin.
Raporti vjetor i punës së Zyrës për Komunitete dhe Kthim për vitin 2020 u prezantua nga zyrtari Leutrim Ajeti, i cili gjithashtu u miratua njëzëri.
Pas shqyrtimit të gjatë të pikës lidhur me propozim- vendimin për ndarjen e subvencioneve, kjo pikë nuk u miratua. Për shkak të materialit jo të plotë të kësaj çështje, me sugjerim të asamblistes Snezhana Jovanoviq, pika u shty për mledhjen tjetër. Asamblistët kërkuan një shpjegim të hollësishëm të të gjithë buxhetit për vitin e kaluar dhe këtë vit të Organizatës turistike “Graçanica”. Duke marrë parasysh që vetëm Organizata turistike e Graçanicës aplikoi për konkurs për ndarjen e subvencioneve, asamblistët kërkuan një pasqyrë më të detajuar të buxhetit të kësaj organizate.
Drejtori i Drejtorisë për Shërbime Publike dhe Situata Emergjente, Vlladica Trajkoviq, paraqiti raportin për përmbytjet që ndodhën në territorin e komunës së Graçanicës, pas një diskutimi me asamblistët, pika u miratua unanimisht.
Drejtori Trajkoviq prezantoi Rregulloren për menaxhimin e mbeturinave në komunën e Graçanicës me drejtorin e ndërmarrjes publike “Ekologjia”, Dejan Dimitrijeviq. Pika u miratua unanimisht.
Në mbledhje u diskutua edhe për dhënien e pëlqimit për lidhjen e aneksit të kontratës për ofrimin e shërbimeve. Bëhe fjalë për propozimin për menaxhimin e deponive në territorin e komunës së Graçanicës. Komuna e Graçanicës ka vendosur që të lidhë një kontratë me Ndërmarrjen publike “Ekologjia” në mënyrë që të hiqen sa më shumë deponi dhe kjo pikë u miratua unanimisht.
Bazuar në kërkesën e asamblistit Granit Gashi, i cili mungoi në mbledhje për arsye shëndetësore, kërkesa për të mos emëruar nënkryetarin e komunës për komunitete në komunën e Graçanicës nuk u mor parasysh.
Nën pikën “Të ndryshme” është folur për rinovimin e parqeve, pastrimin e shtretërve të lumenjve. Është sugjeruar që të sigurohet një numër i mjaftueshëm i shportave për mbeturina. Kishte fjalë për trotuare dhe kuba që nuk u kthyen në vendet e tyre pas zëvendësimit të tubave të ujit dhe kanalizimit.
