Asamblistët e Kuvendit Komunal të Graçanicës kanë mbajtur sot mbledhjen e parë të jashtëzakonshme, në të cilën janë miratuar të gjitha pikat e parapara të rendit të ditës.
Së pari, asamblistët e Kuvendit Komunal të Graçanicës kanë miratuar procesverbalin nga mbledhja e pestë e jashtëzakonshme, e mbajtur më datën 23.12.2021, ku pastaj miratuan edhe propozim-vendimin për themelimin e Komisionit për Komunitete, me çka janë plotësuar plotësisht normat ligjore lidhur me numrin dhe përbërjen e anëtarëve, duke e respektuar kështu Ligjin për Barazi Gjinore.
Pastaj, kryesuesi i Kuvendit Komunal të Graçanicës, Millan Dimitrijeviq, e dorëzoi për shqyrtim propozim-vendimin për themelimin e Komisionit për Persona me Nevoja të Veçanta, i cili njëzëri është pranuar dhe miratuar.
Asamblistët në mbledhjen e parë të jashtëzakonshme të sotme shqyrtuan dhe miratuan propozim-vendimin për shfuqizimin e Vendimit nr. 56/2021/KG (numri arkivor 6244/21 i datës 17.10.2021) të propozuar nga kryesuesi i Kuvendit Komunal të Graçanicës, Millan Dimitrijeviq.
Në mbledhje u miratua edhe propozim-vendimi për themelimin e Komisionit të Kuvendit Komunal për Zgjedhjen e Këshillave Lokale, si dhe propozim-vendimi për ndryshimin e Vendimit nr. 48/2021/KG për dhënien e pëlqimit për zgjatjen e kontratës për ofrimin e shërbimeve të propozuar nga kryetarja e komunës së Graçanicës, Ljiljana Shubariq.
Është shqyrtuar dhe miratuar propozim-vendimin për emërimin e anëtarëve të Komisionit Komunal të Aksionarëve të Ndërmarrjes publike-komunale “Ekologjia”ShA. Graçanicë.
Në mbledhjen e Kuvendit Komunal të Graçanicës, asamblistët njëzëri kanë përkrahur propozimin e kryetares së komunës së Graçanicës, prof.dr. Ljiljana Shubariq, për emërimin e nënkryetarit të komunës për komunitete. Në atë pozitë është zgjedhur asamblisti i Kuvendit Komunal të Graçanicës, Leutrim Ajeti.
Mbledhjes i ka paraprirë mbajtja e Komisionit për Politikë dhe Financa, i cili është pajtuar me pikat e rendit të ditës, të cilat më pas janë diskutuar nga asamblistët e Kuvendit Komunal të Graçanicës.
