Kuvendi i Komunës së Graçanicës mbajti mbledhjen e parë të jashtëzakonshme, në të cilën këshilltarët shqyrtuan dhe miratuan disa raporte.
Në kuadër të propozimit që i referohet bashkëpunimit ndërkomunal, u miratua nisma për bashkëpunim me Komunën e Leposaviqit, me propozim të kryetarit të Komunës së Graçanicës, Novak Zhiviq. Gjithashtu, u dha pëlqimi që kryetari i komunës t’i fillojë konsultimet dhe hartimin e propozimit të marrëveshjes së bashkëpunimit midis dy komunave.
Raporti i punës së Drejtorisë së Kadastrës për vitin 2025 u prezantua nga drejtori Jovan Mirkoviq, i cili theksoi se në periudhën e mëparshme puna e kësaj drejtorie, e cila ishte objekt i kritikave të shumta, ishte intensifikuar. Sipas tij, në muajin e kaluar ishin zgjidhur rreth 440 lëndë.
Kryesuesi i Kuvendit të komunës, Millan Dimitrijeviq dhe këshilltari Ljubisha Karaxhiq i dhanë mbështetjen e tyre të plotë drejtorit të ri të Kadastrës, duke thënë se prisnin që nëse vazhdohet me këtë ritëm do të ketë ulje të ndjeshme të numrit të përgjithshëm të kërkesave të pazgjidhura.
Kryesuesi i i Kuvendit, Millan Dimitrijeviq, i prezantoi raportet vjetore të punës së Komitetit për Politikë dhe Financa, si dhe të Kuvendit të komunës për vitin 2025, të cilat u miratuan gjithashtu.
Nuk pati diskutim për pikën “Të ndryshme”.
