Në sallën e Kuvendit të Komunës së Graçanicës është mbajtur mbledhja e parë e sivjetme e Komitetit për Komunitete.
Pas miratimit të procesverbalit nga mbledhja e fundit e mbajtur në dhjetor të vitit të kaluar, është diskutuar për gjendjen e sigurisë, ndërsa raportin e ka dorëzuar zyrtarja e Stacionit policor në Graçanicë, Svetllana Kapetanoviq.
Ajo theksoi se festat e Vitit të Ri dhe Krishtlindjeve, për kënaqësinë e të gjithëve, kaluan pa incidente.
“Mirëpo, në dhjetor të vitit të kaluar janë regjistruar 11 vjedhje, gjashtë prej të cilave të rënda, pasuar nga pesë raste të dhunës në familje dhe 24 aksidente në trafik”, tha Kapetanoviq.
Për qëllime të sigurisë në trafik, është kërkuar që të bëhet shënjimi i vendkalimeve për këmbësorë dhe vendosja e sinjalistikës së nevojshme, si dhe është kërkuar që rruga “Kralj Milutin” pjesërisht të bëhet me dy kahje.
