Mbledhja e pestë e rregullt e Kuvendit të Komunës së Graçanicës u mbajt në sallën e Kuvendit të Komunës së Graçanicës. Mbledhjes i parapriu mbledhja e pestë e rregullt e Komitetit Komunal për Politikë dhe Financa.
Në mbledhjen e pestë të rregullt të Kuvendit të Komunës së Graçanicës, të kryesuar nga Millan Dimitrijeviq, së pari u miratua procesverbali nga mbledhja e katërt e rregullt e mbajtur më 29.04.2025 dhe më pas drejtori i Drejtorisë së Buxhetit dhe Financave, Sllavisha Nçiq, i paraqiti para asamblistëve informacionet mbi Qarkoren buxhetore 2026/01.
Në mbledhje u diskutua edhe raporti vjetor mbi punën dhe afarizmin e NPK “Ekologjia” Sh.a. Graçanica për periudhën janar-dhjetor 2024, me propozimin e drejtorit ekzekutiv të NPK “Ekologjia” Sh.a. Graçanica, Dejan Dimitrijeviq. Raporti iu prezantua asamblistëve nga ndihmësi i drejtorit ekzekutiv të Ndërmarrjes publike-komunale “Ekologija”, Llazar Kostiq.
Sot asamblistët e Kuvendit të Komunës së Graçanicës nuk diskutuan për raportinin e realizimit të planit vjetor të prokurimit publik dhe kontratat e nënshkruara publike për vitin 2024, si dhe raportin për punën e Inspekcionit Bujqësor dhe të Ndërtimit për vitin 2024 për shkak të pamundësisë së folësve, shefit të Prokurimit Publik, Dejan Todoroviq dhe drejtorit të Drejtorisë së Inspekcionit, Marko Arsiq, për të marrë pjesë në mbledhje.
Nën pikën “Të ndryshme”, asamblistët diskutuan për infrastrukturën dhe aktivitetet komunale.
