U mbajt mbledhja e tretë e rregullt e Kuvendit Komunal të Graçanicës në sallën e madhe të Shtëpisë së kulturës në Graçanicë.
Kryesuesi Ljubisha Karaxhiq i njoftoi asamblistët me plotësimin e rendit të ditës, i cili u miratua në mbledhjen e rregullt të Komitetit për Politikë dhe Financa, ku pastaj u miratua procesverbali nga mbledhja e kaluar e mbajtur në fund të prill.
Asamblistët njëzëri miratuan edhe raportin e punës së Inspekcionit për vitin 2020, planin e Inspekcionit për vitin 2021 dhe raportin katërmujor për këtë vit, përkatësisht mbikëqyrjen inspektuese për mbrojtjen e mjedisit dhe shërbimeve publike të prezantuar nga drejtoresha Jellena Stojanoviq. Si një nga rezultatet më të mëdha, ndër të tjera, ajo vuri në dukje heqjen e deponisë ilegale dhe rregullimin e hapësirës në vendbanimin Padallishtë.
“Inspekcioni bëri shumë përpjekje për të rregulluar dhe mbjellë mbi njëqind pemë akacie në atë zonë. Kur bëhet fjalë për deponitë ilegale, ekziston një marrëveshje të bashkëpunimit midis NPK “Ekologjia” dhe Komunës së Graçanicës, e cila përcakton heqjen më efikase të tyre. Qytetarët mund të raportojnë këdo që hedh mbeturinat në mënyrë të papërshtatshme, por ata duhet ta dinë se ata duhet të kenë prova adekuate për këtë, mbi bazën e të cilave ne mund t’i shqiptojmë dënimet. Sigurisht që këto raportime janë anonime”, tha Stojanoviq.
Sa i përket “lumit të bardhë dhe me baltë” Graçanka në Llapllasellë, Stojanoviq theksoi se qytetarët aktualisht nuk kanë asnjë arsye të frikësohen, sepse uji është testuar dhe nuk ka substanca të dëmshme.
“Ky është një problem që duhet të zgjidhet në një nivel më të lartë dhe kjo është arsyeja pse ne u ankuam tek Avokati i popullit, sepse kemi ujëra të zeza nga një komunë tjetër. Inspekcioni ka juridiksion vetëm në territorin e komunës së vet”, shtoi ajo.
Në mbledhje u formua edhe grupi punues për hartimin e Planit të veprimit për procesin transparent të buxhetimit.
Raporti i punës së Komitetit për Shërbimet Publike u paraqit nga asamblistja Marija Shubariq, e cila theksoi se përmes punës së tij, ky organ vuri në dukje problemet infrastrukturore që duhet të zgjidhen, siç janë rehabilitimi i kanalizimit, rrugëve, etj.
Pastaj, u prezantua edhe raporti i punës së Drejtorisë së Shërbimeve Publike nga drejtori Vlladica Trajkoviq.
“Përveç faktit që ne në të gjitha takimet si komunë jemi vlerësuar si komunë që ka rrugë më të mirëmbajtura gjatë dimrit në të gjithë territorin e Kosovës, unë gjithashtu mund t’i vlerësoj punëtorët që janë angazhuar në dezinfektimin e institucioneve publike dhe zonave gjatë pandemi e koronavirusit”, theksoi Trajkoviq.
Asamblistët miratuan edhe propozimin për shpalljen e parcelës nr. 909/26 ZK Çagllavicë me interest ë përgjithshëm publik.
