Në bazë të projekteve kapitale të planifikuara infrastrukturore për vitin 2012, Komuna e Graçanicës ka ndërtuar parkun në Uglar.
Parku është ndërtuar me mjetet e dhëna nga USAID/DEMI projekti, të cilët komuna i ka fituar si shpërblim për rezultatet e arritura më të mira në grumbullimin e të ardhurave nga burimet vetanake. Parku sapo i ndërtuar është rregulluar në qendrën e fshatit, në afërsi të Shtëpisë së Shëndetit dhe shkollës fillore dhe dedikohet kryesisht banorëve më të rinj të fshatit Uglar.
„Hapësira e parkut përbëhet nga disa pjesë për qëllime dhe funksione të ndryshme. Në pjesën qendrore, tek rrethi, është ndërtuar pjesa për lule, ku nga kjo pjesë hapësira e parkut zgjerohet në gjashtë drejtime në formë të trapezoidit. Në kuadër të parkut është rregulluar edhe një pjesë me pajisje për argëtim të fëmijëve, tobogan, kolovajzë dhe luhatëse“ tha menaxheri i projektit, Sunçica Trajkoviq.
Hapësira e parkut është e ndriçuar me fenerë dhe e rrethuar me fidane dhe pemë zbukuruese gjethërënëse.
Banorët e fshatit Uglar fituan një vend për pushim dhe rekreacion, një park të ndërtuar në qendër të fshatit.
