Drejtoria e Shërbimeve Publike të Komunës së Graçanicës hoqi deponinë ilegale në vendbanimin Padalishtë në Graçanicë, kurse e gjithë zona u rregullua. U bë thirrje që mbeturinat të mos hidhen në vendet që nuk janë paraparë për këtë.
Në këtë lokacion, deponia ilegale është hequr disa herë deri më tani, por mbeturinat ende hidhen dhe ato rikrijohen për shkak të qytetarëve të papërgjegjshëm.
Për këtë arsye, i bëhet thirrje qytetarëve që të kujdesen për higjienën, të disiplinohen dhe të mos hedhin mbeturina në vendet që nuk janë parashikuar për këtë.
Drejtori i Shërbimeve Publike, Vlladica Trajkoviq, u bëri thirrje qytetarëve që ta kontaktojnë NPK “Ekologjia” në rast se ata kanë sasi më të mëdha të mbeturinave të mëdha, në mënyrë që t’i hedhin ato në mënyrë të përcaktuar.
“Nëse jemi të ndërgjegjshëm, Graçanica dhe mjedisi do të jenë të pastër”, tha Trajkoviq.
Në të kundërtën, Inspekcioni do t’i ndëshkojë ashpër të papërgjegjshmin, shtoi ai.
